Dan Takarar Shugaban Kasa na ADC ya kamu da cutar Corona

By Nura Ahmad
Dan takarar Shugaban Kasa na jam’iyyar ADC, Dumebi Kachikwu, ya kamu da Coronavirus bayan sakamakon gwaji ya tabbatar yana dauke da kwayoyin cutar.

Mista Kachikwu ya bayyana hakan ne cikin wani sako da ya fitar a ranar Asabar, yana mai gargadin ’yan Najeriya da su yi taka tsan-tsan don annobar na iya dawowa.


Ya bayyana cewa tuni ya killace kansa kuma ya daina halartar tarukan jama’a da duk wasu harkalloli da suka danganci cudanya da al’umma.

Dan takarar ya ja hankalin ’yan Najeriya a kan kada su kuskura su yi wa cutar Coronavirus rikon sakainar kashi.


Ya ce a halin yanzu alkaluman masu kamuwa da cutar na ci gaba da karuwa cikin makonnin baya–bayan nan ko’ina a fadin duniya.

“Bai kamata ’yan Najeriya su yi kasa a gwiwa ba duk da cewa gwamnati ta sassauta dokokin COVID-19.

“Tsare-tsare da kuma tanadin da gwamnati ta yi a fannin kiwon lafiyarmu ba zai haifar da da mai ido ba a yayin da wannan annoba ke neman sake barkewa musamman a daidai lokacin da kwararrun masu kula da harkokin kiwon lafiyar ke tururuwar barin kasar.

“Dole ne mu kara kaimi wajen yi wa al’umma gwaje-gwaje da daukar duk matakan da suka dace don dakile yaduwar cutar.


“Kada mu zuba ido yawon yakin neman zabe da sauran tarukan siyasa su zama silar yaduwar COVID-19.

“Kar mu bari siyasa ta mayar mana da hannun agogo baya a nasarorin da aka samu wajen yakar cutar.

“Za mu tsira daga cutar Coronavirus idan kowannenmu zai kasance mai lura da sa ido sosai,” in ji Kachikwu.


Popular posts from this blog

Yanzu - Yanzu: Bankuna Zasu Karbi Tsofaffin Kudi Ko da Bayan Karewar Wa'adi - Emefiele

By Nura Ahmad
Image
Gwamnan Babban Bankin Najeriya, Godwin Emefiele, ya ce Bankuna za su ci gaba da karbar tsoffin takardun kudi na Naira ko da bayan wa’adin musaya da sabbin takardun kudin da aka zayyana. Idan dai za a iya tunawa, a kwanakin baya ne babban bankin ya kara wa’adin canza shekar kudi naira 1,000 da naira 500 da kuma N200, biyo bayan korafin ‘yan Najeriya. Sai dai a yayin da shugaban na CBN ya bayyana a gaban kwamitin majalisar wakilai kan sabon tsarin sauya fasalin Naira da kuma canjin naira a ranar Talata, shugaban na CBN ya ce har yanzu bankuna za su karbi tsoffin takardun bayan wa’adin. Emefiele ya ce idan aka yi la’akari da sashe na 20, karamin sashe na 3 na dokar CBN ta shekarar 2007, ko da tsofaffin kudaden sun rasa matsayinsu na neman kudi, CBN za ta ci gaba da karbar tsofaffin takardun kudi. Mista Emefiele ya ce dole ne bankunan kasuwanci su karbi kudin ko da bayan wa'adin 10 ga watan Fabrairu (SOLACEBASE) 
Read more

Zababben Gwamnan Kano Ya Kafa Kwamitin Karbar Mulki

By Nura Ahmad
Image
Zababben Gwamnan Jihar Kano Ya Sanar Da Kwamitin Karbar Mulki …… Dr. Baffa Bichi, Abdullahi Musa ya nada a matsayin Shugaba da Sakatare Bayan gabatar da takardar shaidar cin zabe da hukumar zabe mai zaman kanta ta kasa INEC ta gabatar, zababben gwamnan jihar Kano Engr. Abba Kabir Yusuf (Abba Gida Gida) ya kaddamar da kwamitin sa na mika mulki a shekarar 2023. A wata sanarwa da Sanusi Bature Dawakin Tofa, babban sakataren yada labarai na zababben gwamnan ya fitar, tsohon babban sakataren hukumar kula da manyan makarantu (TETFUND)  dan takarar Sanatan Kano ta Arewa a NNPP Dr. Abdullahi Baffa Bichi ya bayyana a matsayin shugaba na kwamitin mika mulki na Gwamna (GTC), yayin da babban sakataren dindindin, Abdullahi Musa mai ritaya a matsayin sakatare. Kwamitin rikon kwarya zai gudanar da ayyukan mika mulki cikin tsari daga gwamnatin Ganduje mai barin gado zuwa gwamnatin Abba Gida Gida mai jiran gado. Mai girma Gwamnan Jihar Kano mai jiran gado zai kaddamar da kwamitin a ranar Asabar 1 ga Af
Read more