YSFON's Boss Gawuna announces 2025 President Tinubu national Peace Cup

The President of the Youth Sports Federation of Nigeria (YSFON), Dr. Nasiru Yusuf Gawuna has officially announced the commencement of preparations for the 2nd Edition of the President Bola Ahmed Tinubu National Peace Cup, a national U-18 Boys Peace Cup Soccer Tournament scheduled to take place in Katsina, Katsina State, from October 24th to November 1st, 2025.

According to a circular issued by the YSFON National Headquarters and signed by the National Secretary, Mr. Patrick Okpavuerhe, entries are now open for all State YSFON teams across the federation. Each participating team is expected to consist of 20 players strictly under the age of 18 and three officials, one of whom must be a YSFON official.

Teams are expected to arrive in Katsina on Thursday, October 23rd, 2025, with screening of players scheduled to commence by 7:00 a.m. on Friday, October 24th, 2025, at the Muhammadu Dikko Stadium, Katsina. Accommodation will be provided at designated school hostels for all participating teams, while states are strongly advised to make adequate arrangements for feeding and transportation of their contingents.

The statement further urged all state chapters to submit their team entries to the National Headquarters of YSFON on or before Friday, October 17th, 2025, and to confirm participation before departure.

The tournament, themed around peace and unity, aims to promote national integration, youth development, and grassroots sports through football.

For further inquiries, participants and state officials are encouraged to contact the National Headquarters of YSFON or reach out through the provided phone lines: 08037828932, 08033573933, or 09035680398.

Darussa Daga Siyasar Kano Ta 2023 - Dr Sa'idu Ahmad Dukawa

Tun lokacin da Injiniya Abba Kabir Yusuf ya zama gwamnan Kano daga zaben da aka gudanar a watan Maris na wannan shekarar (ta 2023) har izuwa ranar Laraba, 20/9/23, siyasar Kano (wacce ake yiwa taken “sai Kano!”) ta dada zafafa fiye da ko da yaushe a wannan zubin dimokaradiyyar (ta Jamhuriya ta hudu). A bisa fahimtata, dalilai kamar shida ne suka janyo haka. 

Za mu yi bitarsu a takaice domin amfanin gaba.

1. Zafin hamaiyar siyasa tsakanin Senator Rabiu Musa Kwankwaso da Dr. Abdullahi Umar Ganduje. Wannan ta sa wadannan jagororin na Kano guda biyu sun fifita bukatun kansu, na neman wani ya ga bayan wani a siyasance, fiye da bukatar da Kano take da ita na su hada kansu domin su samarwa da Kano zaman lafiya da cigaba mai dorewa. 

A dalilin haka magoya bayansu sun dukufa wajen ganin jagoransu ne a sama ta kowane hali. Don haka cece-kuce ya kazanta a tsakanin juna. Da Allah zai sa idan aka kai karshen tirka-tirkar wadannan manyan biyu su yafewa juna su yi sulhu a tsakaninsu da zai fi kyau ga Kano da ma Kasa baki daya.

2. Karancin tazara tsakanin APC da NNPP ya sa kowa yana ganin ba zai ja da baya ga dayan ba. Wannan ce ta sa APC ba ta dangana ba game da zaben 2023 ta garzaya kotu. Sabanin abinda ya faru a zaben 2003, lokacin da Malam Ibrahim Shekarau ya karba daga hannun Injiniya Rabiu Musa Kwankwaso, wanda tazara tsakanin ANPP da PDP ta sa PDP ta saduda ba tare da ta je kotu ba. Haka ma a 2011, lokacin da Kwankwaso ya dawo ya karba daga hannun Shekarau. Ko da yake ANPP ta garzaya Kotu, amman shari’ar ba ta dauki hankali kamar a wannan karon ba, saboda sauran abubuwan da suka faru a wannan karon ba su faru a wancan lokacin ba. 

To amman fa karancin tazara a tsakanin jam’iyyu biyu bai kamata ya zama matsala ba. Hasali ma kamata ya yi ace ya zamo riba saboda jam’iyya mai mulki ta rika yin taka-tsantsan, sannan hamayyar siyasa ta sa a inganta shugabanci. Kuma idan an samu sauyi a zabe a dada samun ingancin shugabanci. Amman fa duk sai hamayyar da ake yi akan manufa ake yinta ta neman cigaban kasa da al’umma baki daya.

3. Yadda gwamnatin NNPP ta dauki wasu matakai a cikin garaje ya haifar da ta’azzara a hamayyar da ake yi a siyasar Kano. Alal misali, yadda aka kaddamar da bincike akan tsohon gwamna Ganduje nan take zai bashi hoton kamar ana son a ga bayansa ne a siyasance, don haka dole zai dauki matakai ba kawai na kare kansa ba amman har na ganin ya ga bayan abokan hamayyarsa a siyasance. Ya kamata ace an gane cewar idan Kwankwaso yana da gwamnatin Kano, Ganduje kuma yana tare da gwamnatin Tarayya. Da ace hada kansu suka yi wajen nemarwa Kano abinda zai amfaneta da ya fi su tsaya gwada kwanji. Akwai fatan bayan wannan dambarwas a samu daidaito a tsakanin shumagabannin biyu. Wani misalin shine yadda aka yi garaje wajen yin rusau daga hawan gwamnatin.

 Anan ba rusau dinne a karan kasa matsala ba. Amman rashin tsayawa a tantance, a kare wadanda ba su da hakki daga fadawa cikin hasarar da ba suji ba, ba su gani ba. Akwai fatan duk wani aiki da za a yi anan gaba a yi la’akari da kaucewa daukar hakki. Zai rage cece-kuce da fadawa cikin matsalar da za a iya kauce mata.

4. Karyewar kawancen siyasa tsakanin Shugaban Kasa, Bola Ahmad Tinubu, da Senator Rabiu Musa Kwankwaso ba za ta rasa nasaba da dagulewar harkokin siyasa a Kano ba. Da ace an yi wannan kawancen da hamayya za ta ragu tsakanin jagororin biyu, ko da ba ta kare gaba daya ba. Amman wannan karayar ta haifar da Karin masu hamayya da Senator Kwankwaso. 

Don haka siyasar ta Kano ta dada zafafa. Anan ‘yan Majalisar Tarayya na jam’iyyar NNPP suna da rawar da za su taka wajen samar da sasanci tsakanin Madugunsu da Shugaban Kasa. Yana da kyau su yi kokarin yin hakan. Su sun san hanyoyin da ake bi wajen yin hakan. Bukatar da Kano take da ita na neman zaman lafiya da karuwar arziki ita ya kamata a fifita.

5. Yakin ‘yan Media (Sojojin Baka) na bangarorin biyu ya ta’azzara hamayya a siyasar Kano. Yadda kowane bangare ya rika shiga kafafen yada labarai yana yanke hukunci akan shari’ar da ake yi ta zabe bai dace ba ko kadan. Yana da kyau a samu wasu su nemi Kotu ta haramta irin wannan dabi’ar a Shari’un da za a yi a nan gaba.

6. Kalaman tinziri da wasu jami’an gwamnati suka yi a gabanin yanke hukuncin shari’ar zaben na gwamnan Kano matsalace babba. Barazana ce ga tsarin shari’a da ma shugabanci baki daya. Wadanda suka yi wannan kalaman ba su yi la’akari da cewar gwamnatin jiha suke wakilta ba, kuma gwamnatin Taryya suke nunawa yatsa! Da sun yi la’akari da abinda yake samun ‘yan kungiyar IPOB, na yankin Igbo, da watakil ba su yi barazanar ba. Anan dole ne a yabawa gwamna Abba Kabir Yusuf game da matakin ladabtarwa da ya dauka nan take. Akwai bukatar duk mai kaunarsa ya kiyayi irin wannan kalaman daga nan har a gama appeal, da ma bayan an gama.

A karshe akwai bukatar ‘Yansiyasa su karanta dokar zabe ta Kasa, da ma sauran dokokin da suke da alaka da zabe, su yi kokari su fahimce su, su bisu sau da kafa. Wannan zai rage matsalolin zabe wadanda suke haifar da sai an kai ga shari’ar zabe. Haka kuma zai sa a fi fahimtar hukuncin da Kotunan zabe suke yankewa.

Muna fatan Allah Ta’ala ya tabbatar da zaman lafiya da karuwar arziki a Kano da Kasa baki daya.

Kano: Hukuncin Kotun Korafin Zabe da Darussan da ya kamata 'Yan Siyasa su koya- MS Ingawa

Daga MS Imgawa

A ranar Laraba ne kotun sauraron kararrakin zaben gwamnan Kano ta yanke hukunci kan karar da jam’iyyar APC ta shigar kan sakamakon zaben gwamna da aka gudanar a ranar 18 ga watan Maris. Kotun ta yanke hukuncin cewa kuri’u 164,663 na gwamna mai ci, Abba Kabir na NNPP, an same su da rashin sahihancin sakamakon ko dai ba su da tambari ko sa hannun (ko duka) na shugabannin (Pos). Hakan ya haifar da cire kuri'un da aka ce daga jimillar kuri'un da jam'iyyar NNPP ta samu, inda ta bayyana jam'iyyar APC a matsayin wadda ta yi nasara a zaben.

Wannan hukunci ya bar batutuwan magana da yawa:

1. NNPP ta dauki lamarin da wasa ko dai saboda murnar nasara ta dauke musu hankali ko kuma sun raina APC da makasudin lamarin. Hakan ya sa ba su dauki lamarin da muhimmanci ba, suka fuskanci ta da katsalandan kamar yadda APC ta yi wanda hakan ya baiwa APC numfashin da ya kama su.

2. A koda yaushe babu cikakken tsarin zabe. Koyaushe za a sami kubuta ga lauyoyin da za su yi amfani da su idan sun ga dama. Duk wani tsarin zabe yana farawa ne daga rumfunan zabe kuma babban batun da muke da shi shi ne, galibin rumfunan zabe mutane ne da ba su da cikakkiyar masaniya game da tanade-tanaden kundin tsarin mulki a kan zabe wanda ke nufin a ko da yaushe akwai yiwuwar tafka kura-kurai da za su baiwa lauyoyi shari’a. suna kokarin kafa daya.

3. Lauyoyin APC sun zage damtse wajen cin gajiyar wannan lamari kuma cikin gaggawa suka nemi da su duba kayan zabe sosai yayin da lauyoyin NNPP ba su damu ba. Shi ya sa APC ta fidda kuri’un da abin ya shafa da za su ba su dama kuma NNPP ma za ta samu masu yawa da za su ba su goyon baya da sun lura da zurfafa bincike.

4. Ni ba lauya ba ne amma na yi imanin kuri'un da ba a sanya hannu ba kuma ba tare da tambari ba yana nufin abubuwa 2 ne kawai; Ko dai an shigo da su cikin akwatin zabe ba bisa ka'ida ba ko kuma jami'an INEC a rumfunan zabe ba su yi aikinsu yadda ya kamata ba yayin da su ma wakilan jam'iyyar ba su kula ba ko kuma ba su san ma'anar barin katin zabe ba tare da sanya hannu ko tambari ba.

Darussa:

1. Jam’iyyun siyasa da ‘yan siyasa su rika daukar duk wani mataki na adawa da muhimmanci kafin zabe da kuma bayan zabe.

2. Ya kamata jam’iyyun siyasa su tabbatar da cewa dukkan wakilan runfunan zabe suna da masaniyar kura-kurai da za su iya haifar da sakamakon zabe a rumfunan zabe daban-daban don kauce wa barin kujeru.

3. Ya kuma kamata INEC ta tabbatar da ingantaccen ilimi na ma'aikatan wucin gadi na zabe musamman dangane da kananan kura-kurai da ka iya haifar da sakamakon zabe ko tsarin zabe.

Muna addu'ar Allah ya karawa Kano da Najeriya lafiya.

Labari da dumiduminsa: Kotu ta ayyana Nasiru Gawuna a matsayin wanda ya ci Gwamnan Kano

Kotun Sauraron zaben kararrakin zaben Gwamnan Kano, a yau Laraba ta ayyana Dr Nasiru Yusuf Gawuna a matsayin wanda ya samu nasarar Zaben Gwamna a Kano

Zaman Sauraron Shari'ar Wacce aka gudanar ta hanyar manhajar Zoom, ta samu halartar Wakilan dukkanin bangarorin jam'iyyun guda biyu

Tun a safiyar wannan rana, magoya bayan jam'iyyun suka taru a wurare Daban-daban domin jiran tsammanin yadda shari'ar zata kasance

Cikakken labarin zai zo muku nan gaba 

Yanzu-Yanzu: Nasiru Gawuna Ya Taya Abba Gida-gida Murnar Lashe zaɓen Gwamnan Kano

Mataimakin Gwamnan Jihar Kano Kuma wanda ya yiwa jam’iyyar APC takarar gwamnan jihar kano a jam’iyyar APC Dr. Nasiru Yusuf Gawuna ya ce ya karɓi Kaddarar faɗuwa zaɓe tare da taya Abba Kabiru Yusuf Murnar lashe zaɓen gwamnan Kano.

Nasiru Gawuna ya bayyana hakan ne cikin wani sakon murya da yayi bayani na tsawon mintuna biyu, wanda Sakataren yada labaran sa Hassan Musa Fagge ya aikowa kadaura24.

” Mun tsammaci Hukumar Zabe INEC zata duba koken da mukai mata na samun kura-kurai a sakamakon zaben da ya gudana, amma a yau 29 ga watan maris ta sake tabbatar da matsayar ta ta hanyar mikawa Abba Kabiru Yusuf Shaidar lashe zabe , don haka mun dauki wannan a matsayin kaddara”. Inji Gawuna

 

Yace dama ya fada a baya cewa zai karɓi Kaddara idan ya fadi zaben don haka yayi kira ga magoya bayan sa da dukkanin al’ummar jihar kano da zu baiwa sabon zaɓaɓɓen gwamnan hadin kai don ya gudanar da mulkin sa cikin kwanciyar hankali da lumana.

 

Mataimakin Gwamnan ya kuma yi addu’ar Allah ya kamawa Sabon zababben gwamnan, sannan yayin addu’ar Allah ya bashi ikon yiwa al’ummar jihar kano adalci a Shugabanci sa.

KADAURA24 

2023: Idan Na Zama Gwamna Zan Bawa Kananan Hukumomin 'Yancinsu - Gawuna

Mataimakin gwamnan jihar Kano kuma dan takarar gwamna na jam’iyyar  APC, Dr. Nasiru Yusuf Gawuna ya yi alkawarin baiwa kananan hukumomin jihar ‘yancin cin gashin kansu idan aka zabe shi a matsayin gwamna.

Ya bayyana hakan ne a lokacin da yake gabatar da shirin gidan talabijin na NTA cikin shirin "The Balot".

"Ƙananan Hukumomin wani bangare ne na gwamnati kuma su ne matakin kusa da jama'a wanda ke taimakawa hatta ci gaba da rarraba albarkatu da ayyuka".

"A matsayina na tsohon shugaban karamar hukumar na san abin da ya shafi gudanar da mulkinta".

Lokacin da nake shugaban karamar hukuma, an ba ni cikakkiyar dama nayi  aiki. Hakan ya sa muka samu nasarori da dama don haka idan aka zabe mu a matsayin Gwamna zan mayar da martani kamar yadda Gawuna ya bayyana”.

A sanarwar da babban sakataren yada labaransa, Hassan Musa Fagge ya fitar, Gawuna Ya kara da cewa shi ne wanda ya fi cancanta kuma a shirye ya ke ya zama Gwamnan Jihar Kano bayan ya yi aiki da gwamnatocin da suka gabata kuma ya samu kwarewa da dama, duk da haka ya ba da tabbacin karfafa nasarorin da suka samu a wani bangare na manufofin ci gaba.

Gawuna ya kuma bukaci masu kada kuri’a da su guji tashin hankali su gudanar da rayuwarsu cikin kwanciyar hankali da lumana a lokacin zaben.

Zabe - Gawuna Ya Taya Zababben Shugaban Kasa Tinubu Murna

Mataimakin gwamnan jihar Kano kuma dan takarar gwamna na jam’iyyar APC Dr. Nasiru Yusuf Gawuna ya taya zababben shugaban kasa Sen.Bola Ahmed Tinubu da mataimakin zababben shugaban kasa Sen.Kashim Shettima murnar nasarar da suka samu a zaben shugaban kasa da aka gudanar a ranar Asabar. 25 ga Fabrairu, 2023.

 

"Ni da kaina da abokina Hon.Murtala Sule Garo ina muku fatan nasara yayin da kuke daukar nauyin sabunta fata tare da addu'ar Allah Madaukakin Sarki Ya kara muku hikima, karfi, jagora da jagora don aiwatar da aikin da aka dora muku".

 

"Jagaban, kai ne mutumin da ya dace a halin yanzu, nasararka nasara ce ga dimokuradiyya, ka yi aiki tukuru domin samun nasarar jam'iyyarmu ta APC."

 

"Ka tabbatar da cewa kai dan dimokradiyya ne na gaske wanda ya nuna jajircewa, kishi da sadaukarwa ga hidima da ci gaban kasarmu."

 

"Mun gode muku bisa jajircewarku da tsayin dakanku domin mun yi imanin cewa kuna da kyakkyawar niyya don cika alkawuran da kuka yi a lokacin yakin neman zabe".

 

Gawuna ya kuma mika godiyar sa ga al'ummar jihar Kano dangane da zaben jam'iyyar APC a zaben da ya gabata.

 

"Kun yi shi a baya kuma mun yi imanin za ku sake yin hakan don haka muna gode muku da ci gaba da ba ku goyon baya da hadin kai, tare za mu kai ga wani matsayi mai girma Gawuna."

 

CPS

Muhawarawar 'yan takarar gwamna ta BBC : Kungiyar Global Group Ta Taya Gwamna Ganduje Murnar bisa Kwazon Gawuna

Wata kungiya ta duniya da ta kware wajen tantance muhawarar siyasar ‘yan takara a fadin duniya , Dandalin tantance muhawarar siyasa (PODAF) ta taya gwamna Abdullahi Umar Ganduje na jihar Kano murnar kwazon da mataimakin gwamnan jihar kuma dan takarar gwamna na jihar, Nasiru Yusuf Gawuna ya yi a wajen muhawarar yan takarar gwamna da Sashen Hausa na Gidan Rediyon Birtaniya (BBC) ya shirya a Makarantar koyar da harkokin Kasuwancin Aliko Dangote da ke Jami’ar Bayero, Kano, ranar Asabar.

A cikin wata wasika da aka aika wa gwamnan kuma mai dauke da sa hannun babban jami’in kungiyar na Najeriya, Mista Johnson Craig, ya bayyana cewa, “Mun gamsu matuka da yadda mataimakin ku, wanda kuma dan takarar gwamna ne na jam’iyyar APC ya yi a lokacin da aka kammala muhawarar zaben gwamna da sashen Hausa na BBC ya shirya."

Cikin sanarwar da babban sakataren yada labaran Gwaman, Malam Abba ya fitar, ta ce Wasikar a wani bangare na cewa, “Kungiyarmu ta ga ya zama dole mu taya mai girma gwamna murna bisa kyakkyawan kwazon da mataimakinsa Gawuna ya nuna, wanda ya yi kyau kuma ya tabbatar da haka, dan takarar APC gogagge ne, kwararre, kuma dan siyasa mai son zaman lafiya."

Yayin da take taya gwamnan murna, kungiyar ta PODAF ta yi imanin cewa, Kano tana da zabi mafi kyau a Mataimakin Gwamna, Dokta Gawuna. Kuma ya jaddada cewa, muhawarar ta nuna yadda Mataimakin Gwamna yake mai da hankali, kishin kasa da azama.

Ya kara da cewa, "Zaben Dr Gawuna da abokin takararsa Murtala Sule Garo, tare da dimbin gogewar da suke da shi wajen gudanar da mulki, tun daga tushe, zai taka rawa sosai a zabukan da ke tafe, wannan ya bayyana a Muhawarar BBC. Inda Gawuna ya bayyana. ya burge duk masu zabe masu tunani, kamar yadda ya bayyana da kuma mai da hankali kamar yadda ya bayyana."

Gwamna Ganduje ya bayyana Dr. Nasiru Yusuf Gawuna a matsayin Mutum mai Biyayya da Amana

Dr. Abdullahi Umar Ganduje ya bayyana hakan a yayin taron yakin neman zaben jam'iyyar APC a kananan hukumomin Sumaila da Takai.

Ya kuma bukaci al’ummar kananan hukumomin biyu da su zabi dan takarar gwamna na jam’iyyar APC da abokin takararsa domin dukkansu an gwada su kuma an amince da su.

Gwamnan ya bayyana cewa su biyun sun cancanci a zabe su saboda irin nasarorin da suka samu a ma’aikatun gwamnati daban-daban da suka yi aiki a tsawon shekaru.

Dakta Ganduje ya yi nuni da cewa Dr. Nasiru Yusuf Gawauna da Alhaji Murtala Garo sun cancanta haka kuma su sukafi da cewa su gajeshi domin ci gaba da ayyuka da shirye-shiryen gwamnati a bangarori daban-daban da Gina dan Adam.

Ya kuma bayyana fatansa na cewa ‘yan takarar na da kwarewa wajen fito da manufofi da shirye shirye da kuma aiwatar da karin manufofi da tsare-tsare da suka shafi ci gaban jihar, idan har aka ba su wa’adi a babban zabe mai zuwa.

Gwamnan ya yi amfani da damar wajen yin kira ga masu zabe da su kada kuri’ar su ga dan takarar shugaban kasa na jam’iyyar Sanata Asiwaju Bola Ahmad Tinubu inda ya bayyana shi a matsayin mutum mai rikon amana, mai dattako da kwarewa don kai Najeriya mataki na gaba.

A nasa bangaren mataimakin gwamnan jihar wanda kuma shi ne dan takarar gwamna na jam’iyyar APC Dr Nasiru Yusuf Gawauna, ya bayyana cewa daga dukkan alamu za a zabi shi da abokin takararsa a matsayin gwamna da mataimakin gwamna idan Allah ya yarda.

Ya kuma yi kira ga al’ummar yankin da su zabi jam’iyya mai mulki a lokacin zaben Gwamna da ke karatiwa, inda ya yi alkawarin aiwatar da kuduririn da ya alkarwanta.

Tun da farko, shugaban jam’iyyar APC na jiha Alhaji Abdullahi Abbas, ya ce yawan jama’ar da suka halarci taron gangamin yakin Neman zaben shaida ce a fili cewa jam’iyyar APC ce za ta lashe dukkan mukamai a zabe mai zuwa.

Daga cikin abubuwan da aka gudanar a wajen taron ya hada da mika tutar jam'iyyar APC ga Dan takarar majalisar wakilai ta tarayya da na majalisar dokokin jiha na yankin.

2023: Dalilin Da Ya Sa Muka Tsayar Da Gawuna Takarar Gwamnan Kano– Ganduje

 

Gwamnan Jihar Kano, Abdullahi Umar Ganduje, ya ce masu ruwa da tsaki na jam’iyyar APC a jihar sun tsayar da Mataimakinsa, Nasiru Yusuf Gawuna, a matsayin dan takarar Gwamnan jam’iyyar a zaben 2023 ne saboda kwarewarsa.

Ya ce biyayya da ilimi da kwarewa da kuma kyakkyawar mu’amalarsa da jama’a su ne suka karfafa zaben nasa.

Yana mai cewa, babu wata jam’iyya a Kano da ke da dan takara kwararre irin Gawuna.

Ganduje ya bayyana haka ne a lokacin da yake jawabi a wajen taron gidauniyar da abokin Gawuna ya shirya a Abuja.

“Dokta Gawuna na sane da shirye-shirye da kuma ayyukanmu, kuma mun yi amannar mutum ne wanda zai taimaka wa cigaban al’uma.

“Wannan shi ne irin mutanen da muke raino, wadanda za su yi tsayin daka wajen ci gaba daga inda aka tsaya da kyawawan ayyukan bunkasa al’uma da aka asassa. Inshaa Allah za mu ci gaba da haka.

A cewar Ganduje, “Daya daga cikin abubuwan da muka yi la’akri da su shi ne ci gaba da ayyuka saboda muhimmancin hakan a sha’anin shugabannci.

“Mun tattara bayanan cigaban da muke bukata, kuma muddin aka rasa ci gaba wajen aiwatarwa abubuwa za su watse, ba za mu kai ko’ina ba.”

Gwamnan ya tuna lokacin da yake mataimaki a gwamnatin Kwankwaso inda suka yi aiki tare don cigaban Jihar Kano.

“Shi ya sa bayan ya tafi ban bukaci sai wani ya fada mini ayyukan da zan aiwatar ba saboda na san komai, kuma ba ni da dalilin yin watsi da su,” in ji shi.

A nasa bangaren, Gawuna ya ce ci gaba daga inda gwamnatin baya ta tsaya shi ne sirrin samun kyakkywan sakamako.

Ya kara da cewa, “Kwarewata na da muhimmanci, kuma a shirye nake in yi amfani da ilimin da na koya na shekaru wajen yi wa jiharmu hidima.”

(AMINIYA)

Aminu Alan Waka ya ajiye takarar sa ya fice daga jam’iyyar Sha’aban Sharada

Bayan ficewarsa daga jam’iyyar ADP Shahararren mawakin nan wanda kuma ya shiga siyasa Aminu Ala, ya fice daga Jam’iyyar ADP ta Sha’aban Sharada ya kuma koma jam’iyyar APC.

KADAURA24 ta rawaito cewa Alan Waka dai yana daga cikin ‘yan Kannywood da suka shiga tafiyar Sha’aban Sharada, Inda har ma ya rabauta da takarar dan majalisar tarayya na karamar hukumar Nasarawa a jam’iyyar ADP bisa jagorancin Dauda Kahutu Rarara.

Jim kadan bayan ficewarsa daga jam’iyyar ADP, Kadaura24 ta gano Alan waka tare da mataimakin gwamnan kano Dr Nasiru Yusuf Gawuna wanda Kuma shi ne dan takarar gwamnan Kano na Jam’iyyar APC, hakan Kuma ya tabbatar da cewa ya yanke shawarar marawa Gawuna baya.

 Hakan dai na alamta cewa Alan Waka ya koma tafiyar jam’iyyar APC Kuma zai marawa takarar Dr. Gawuna bayan maimakon ta Sha’aban Sharada da ya faro.

Ku biyo mu nan gaba kadan idan mun tattauna da Aminu Alan zaku ji cikakken bayani kan dalilansa na ficewa daga tafiyar Sha’aban Sharada zuwa APC ta Dr. Nasiru Gawuna