Zanga-Zanga : Gwamna Abba Kabir ya Gana Da Shugabannin Al'uma

Gwamnan jihar Kano, Alhaji Abba Kabir Yusuf ya gana da wakilan al'umma wadanda suka fito daga bangarori daban-daban na rayuwa, yayin da ake shirin gudanar da zanga-zangar da za a yi ranar Alhamis 1 ga watan Agusta, 2024.

Mahalarta taron sun hada da: sarakunan gargajiya, Malamai, ‘yan kasuwa, malamai, shugabannin masana’antu da kungiyoyin mata.

Da yake jawabi ga masu ruwa da tsaki a wajen taron, Gwamna Abba Kabir ya ce an yi taron ne domin a tattauna sosai da nufin lalubo hanyoyin da za a bi wajen kawo wa al’ummar jihar karshen abubuwan dake ci musu tuwo a kwarya.

Hakan ya fito ne a wata sanarwa da mai magana da yawun gwamnan, Sanusi Bature Dawakin Tofa ya rabawa manema labarai.

Alhaji Abba Kabir Yusuf ya tabbatar da cewa mutane na da ‘yancin yin zanga-zanga a tsarin mulki, amma duk da haka ya kamata a kasance cikin lumana ba tare da yin wani abu da zai iya haifar da tarzoma ko barazana ga rayuka da dukiyoyi ba.

Ya kuma umurci wadanda suka shirya zanga-zangar da ba a san ko su waye ba da su yi taka-tsan-tsan da bin doka da oda tare da kaucewa amfani da makiyan jihar Kano wajen jefa jihar cikin rudani da annoba.

Gwamnan ya kara da cewa gwamnatin jihar Kano na shirin kafa hukumar kula da farashin kayayyaki domin tabbatar da daidaita farashin kayayyakin masarufi a lunguna da sako na jihar.

Ya nuna rashin jin dadinsa kan abin da ‘yan sandan jihar ke yi na kiransu da su tashi tsaye su yi abin da ya kamata wajen gudanar da aikinsu na kare rayuka da dukiyoyin al’ummar jihar baki daya.

A nasa jawabin, Sarkin Kano, Malam Muhammadu Sanusi II ya koka kan mawuyacin halin da kasar nan ke ciki sakamakon tabarbarewar tattalin arziki inda ya bayyana kyakkyawan shugabanci a matsayin hanyar inganta rayuwar jama’a.

Ya kuma yi kira ga masu hannu da shuni su zuba jari a jihar domin samar da ayyukan yi da farfado da tattalin arzikin jihar da bunkasar tattalin arziki.

Waiwaye Adon Tafiya: Daya Daga Cikin Dalilan Da Suka Sa Muke Yakar Yin Zanga-zanga A Kano - Farfesa Salisu Shehu

A shekarar 2003 ne Amerika ta jagoranci mamaye Kasar Iraqi . Wannan aiki na zalunci da ta'addanci ya tunzura Kasashen Musulmi wanda ya sa aka rinka ZANGA-ZANGA da kona tutar Amerika a kasashen Musulmi baki daya. KUMA abin lura da izina shi ne duk wadannan ZANGA-ZANGA basu hana Amerika yin ta'addancin da ta yi niyya ba. Bil hasali ma kara maimaitawa take ta yi, WAMA LIBYA, WA SIRIYA , BI BA'ID.

Wannan dalili ya sa mu ma a Kano aka shirya lacca ta musamman a Masallacin Umar ibn Al'-Khattab (Dangi) wacce kusan dukkan manyan Malamanmu na Kano kamar su Sheikh Isa Waziri, Sheikh Ibrahim Umar Kabo, Sheikh Dr. Aminuddeen Abubakar, Sheikh Ja'afar, Sheikh Yahaya Faruk Chedi , etc Rahimahumullahu duk sun halarta. Daga nan Masallacin aka yi jerin gwano cikin lumana aka bi State Road aka je gidan Gwamnati aka mika takarda ta yin Allah wadai da Kasar Amerika, aka bukaci Gwamnatin Jihar Kano ta isar da takardar ga Ofishin Jakadancin Amerika . Daga nan aka dawo Masallaci lami lafiya kowa ya koma gida. 

Amma kafin Azahar kawai sai rahotanni suka fara fitowa cewa yara matasa marasa tarbiyya suna can suna ta kaiwa hari suna fasa kantina da shagunan mutane a sassa da unguwanni daban - daban a cikin Birnin Kano. Sun yi gagarumar barna ga dukiyoyi da kadarorin al'umma har ma rayuka sun salwanta, kafin a shawo kansu, a magance matsalar. 

Wannan dalili ne ya sa , sama da shekara 20 kenan ko da yaushe, muke kauce ma ZANGA-ZANGA a Kano.

Akasarin yaran da suke zagin Malamai a social media don sun ce kada a yi ZANGA-ZANGA ba a haifesu ba a lokacin. Basu san ne ya faru ba a wancan lokacin .

Daga 2003 zuwa yanzu 2024 shekaru 21 kenan, Birnin Kano ya kara cika , ya batse, kuma matasa marasa aikin yi, marasa tarbiyya sun ninninka na 2003, kuma tsaurin ido da ayyukan laifi (crime and violence) sun habaka, sa'annan kuma uwa-uba ga yaduwar manyan makamai a cikin garuruwanmu (kauyuka da birane) , ga yawan kashe-kashe da rashin tausayi duk sun tsananta, ga daba da jagaliya sun fadada kuma sun gawurta a cikin unguwanni. Ko watannin baya mun ga yanda yan phone snatching suka so su buwayemu. Har wa yau mun ga yanda matasa suka fi karfin jami'an tsaro lokacin rusau, suka rika cin karensu ba babbaka. Idan aka yi kuskuren fitowa ZANGA-ZANGA a Kano, kuma aka yi rashin sa'a matasan nan suka yi hajiacking lamarin, Allah ne kawai ya san yanda akibar abin za ta kasance. 

Ita fitina za a iya sanin farkonta, amma babu wanda zai iya sanin karshenta. MAGANIN KADA A YI, KADA A FARA. 

BANA JIN DUK WANDA YAKE KAUNAR KANO, zai goyi bayan a yi ZANGA-ZANGA a Kano a halin da muke ciki.

ALLAH KAWAR MANA DA FITINA DAGA DUKKAN GARUWANMU NA MUSULMI BAKI DA DAYA

Hukumar 'yan Sanda Ta Kano Ta Haramta Dukkanin Wata Zanga-zanga A Titina

SANARWA

SANARWA TA GAGGAWA GA JAMA'A DAGA HUKUMAR YAN SANDA NA JIHAR KANO!! HANA ZANGA-ZANGAR KAN TITI A JIHAR KANO

 

Bisa la'akari da samfuran bayanan sirri da ke hannun wannan rundunar 'yan sanda, an haramta duk wani nau'i na zanga-zangar tituna a duk sassan jihar.

Don haka jama’a ku lura cewa ya zo mana da cewa a halin yanzu jam’iyyar APC da NNPP suna ta tara jama’a na haya da sunan jam’iyyar Civil Society Coalition, ba tare da izini daga shugabannin kungiyar kwadago ta Najeriya ba, ba tare da amincewar su ba. daga hukumomin tsaro a jihar. Dukkan masu shirya taron, da na kungiyar, ya kamata su lura cewa duk wani yunkuri na rashin mutunta NLC da Hukumomin tsaro a jihar, ta hanyar yin wasa da tabarbarewar yanayin tsaro, wanda hadin gwiwar hukumomin tsaro ke gudanarwa, ba wai kawai rashin wayewa ba ne, laifi ne kawai. 

Har ila yau, wani laifi da ya shafi Tsaron Kasa 3. Ya zuwa yanzu dai wannan jami’an ‘yan sanda na gudanar da bincike kuma ya nuna cewa wasu ‘yan jam’iyyun biyu da ke jan hankalin ‘ya’yan kungiyoyin farar hula da su shiga wannan matakin na su ne kawai sakamakon kama su. da kuma yin watsi da hukuncin kotun sauraron kararrakin zabe.

 

A karshe, wannan rundunar ‘yan sanda tana godiya da dimbin goyon baya da hadin kai da take samu daga mutanen kirki.

Jihar don zaman lafiya, tsaro, kwanciyar hankali, da muradun duk mazauna.

Na gode muku

SANARWA: CP MOHAMMED USAINI GUMEL, FIPMA, pse KWAMISHINAN YAN SANDA NA JAHAR KANO. 21 GA AGUSTA, 2023.