Hajj 2024: CBN Ya Janye Batun Biyan Kudin Guzurin Alhazai Ta Katin ATM

Babban Bankin Najeriya ya dakatar da bayar da guzurin Alhazai na Hajji 2024 ta hanyar katin ATM

Kwafin takardar da Bankin ya fitar wacce kuma  HAJJ REPORTERS ta gani mai kwanan wata 17 ga Mayu 2024 mai dauke da sa hannun daraktan riko na sashen ayyuka na kudi Solaja Muhammed J. Olawumi wanda aka aikewa bankunan kasuwanci ya ce “bayan gaggawar da aka samu tare da lura da karancin lokaci dangane da jigilar jirgin. Alhazan 2024, Shugabancin Bankin ya amince da biyan dukkanin tsabar kudi ga maniyyatan.

“Ku lura cewa wannan sanarwar ta zarce tsarin da aka gabatar muku na farko na ayyukan Hajji na 2024. Nan ba da jimawa ba za a mika wata wasika a hukumance kan hakan.”

Idan dai za a iya tunawa babban bankin ya sanar da hukumar alhazai ta kasa NAHCON da Jihohi da Rundunar Soji cewa za a biya kudin guzurin na Hajjin bana  wanda aka biya dala 500 ga kowane mahajjaci da kashi 60/40 cikin 100. tsabar kudi da kati

Bankin ya ce dala 200 ne kawai za a ba da tsabar kudi yayin da za a ba da ma'auni na $300 a cikin kati

Matakin dai ya janyo ce-ce-ku-ce saboda kalubalen da ake sa ran za a yi kan amfani da kati daga matsakaitan mahajjatan Najeriya a Saudiyya.

(Hajj Reporters)

Hajj 2024: Kungiyar Fararen Hula Ta Yi Kira Ga Babban Bankin Najeriya Ya Sauya Tunani Kan Biyan Kudin Guzurin Alhazai

An shawarci Babban Bankin Najeriya (CBN) da ya yi watsi da ra’ayin bayar da kudin  (BTA) ta hanyar katin biyan kudi.

Kungiyar fararen hula masu daukar rahotannin aikin Hajji  (IHR) ne suka bayar da wannan shawarar a wata sanarwa da babban jami'inta na kasa Ibrahim Mohammed ya fitar.

Kungiyar ta ce kasa da sa’o’i 24 da fara jigilar maniyyata zuwa kasa mai tsarki, babban Bankin ya umarci wasu bankunan kasuwanci da su biya maniyyatan dala 200 kacal daga cikin dala 500 da ake sa ran kowane mahajjaci zai samu yayin da sauran dala 300. za a bayar a kan katin cirar kudi 

“Alhazai na bana sun riga sun shiga cikin rashin tabbas da yawa tun daga manufofin sayayya da suka haifar da hauhawar farashin Hajji zuwa raguwar kudin guzuri. Wannan shawarar da babban bankin ya yanke zai kara musu bala’i ne kawai”.

“ Sanin kowa ne cewa mafi yawan alhazanmu sun fito ne daga karkara kuma ba su da masaniyar harkar hada-hadar kudi, yawancin ma ba su san yadda ake amfani da katin ATM ba. 

Har ila yau, galibin injinan ATM a Saudiyya ana daidaita su da harshen Larabci wanda ke haifar da kalubale ga ma wadanda suka kware da harkar E-transaction.

"Haka kuma, galibin masu sayar da abinci, ana caje su da yawa saboda amfani da na'urorin ATM a kasashen waje, kuma da karancin BAT da aka riga aka yi, amfani da katunan na janyewa a Saudi Arabiya zai kara wa mahajjata wahala," in ji kungiyar 

Kungiyar ta fararen hula ta kuma bayyana cewa, akwai karancin na’urorin ATM da ake da su a kusa da yankunan Misfalah/Kudai da Shahrah Mansur inda akasarin mahajjatan Najeriya ke zama, wannan rashin samun damar shiga kuma zai zama babbar matsala. 

Kimanin kashi 75 cikin 100 na alhazan Najeriya ne suka fara zuwa karon farko wadanda galibinsu ke samun wahalar gano matsuguninsu a Makkah saboda yawan cunkoson jama’a da gine-ginen na musamman – ta yaya za su iya gano na’urar ATM a irin wannan yanayi?

Sanarwar ta kara da cewa mafi yawan maniyyatan kuma za su fuskanci wahalar biyan kudin hidimar da suke amfani da katin.

“Sayen ruwan sha da sauran kayan masarufi zai zama matsala ga mahajjata a bana, idan babban Bankin Najeriya ya dage sai ya ba su katin cirar kudi na ATM 

Idan ba a manta ba, yana da sauƙi ga talakawa su rike kuɗinsu fiye da kati, saboda haka, yanayin asarar katunan alhazai ya yi yawa sosai. Yakamata a tsara manufofin gwamnati domin saukakawa dan kasa rayuwa ba tare da dagula lamarin ba.

“Saboda haka muna kira ga CBN da ya gaggauta janye hukuncin ya biya maniyyatan kudi, hakan ne zai taimaka musu da kuma rage musu radadin da ke tattare da aikin hajji na shekaru da kuma ba su damar maida hankali wajen gudanar da aikin hajjin cikin kwanciyar hankali. .IHR ta kara da cewa.

Kungiyar Fararen Hula Ta Yi Kira Ga Hukumar NAHCON Da Na Jahohi Su Sanar Da Kudin Guzurin Maniyyata Hajjn 2024

Kungiyar dake daukar rahotannin aikin Hajji ta bukaci NAHCON da hukumomin alhazai na Jihohi da su sanar da mahajjata adadin kudin guzirinsu a  cikin kudin Hajjin 2024

Kungiyar farararen hula Masu daukar rahotannin Aikin Hajji mai zaman kanta,, ta bukaci hukumar alhazai ta kasa, NAHCON, da hukumomin jin dadin alhazai na jahohi da su sanar da dukkan maniyyatan da suke son zuwa aikin Hajji na 2024 ko nawa zasu karba a matsayin kudin guzirinsu 

Kungiyar ta ce ya zama wajibi a ja hankalin hukumar NAHCON da hukumomin alhazai na jihohi cewa kudin aikin hajjin 2024 da suka sanar kawo yanzu bai nuna adadin da za a bai wa maniyyatan a matsayin kudin guziri ba sabanin yadda aka saba yi tsawon shekaru.

Hakan na kunshe ne a cikin wata sanarwa mai dauke da sa hannun kodinetan kungiyar na kasa, Ibrahim Muhammed wanda aka rabawa manema labarai.

Kungiyar ta IHR ta ce, alawus-alawus na kudaden waje ne wanda dan Najeriya, a irin wannan yanayi, alhazan kasar Saudiyya ke ba su damar ciro daga bankin Najeriya a yayin tafiya kasashen waje. Yana daga cikin hanyoyin sarrafa kudaden waje na kasar kuma ana kara irin wadannan kudade a bangaren kudin aikin hajji.

“A al’adance sanarwar kudin aikin Hajji da NAHCON ke yi a kullum yana zuwa ne da bayar da kudin tafiye-tafiye na asali ga kowane mahajjaci. Ana nufin hakan ne don baiwa mahajjata damar shirya tunaninsu kan nawa za su samu da kuma yin shirinsu na kudi yadda ya kamata.

“Misali, Alhazan 2023 sun biya matsakaita na N2.9m wanda ya hada da $800 kudin guzuri. Ƙididdigar kuɗin aikin Hajji ya ƙunshi abubuwan hidimar gida da na ƙasashen waje tare da  Balaguro ga mahajjata.

“Sai dai daga baya hukumar NAHCON da ta gabata ta rage kudin guzuri na shekarar 2023 zuwa dala 700 saboda abin da suka bayyana a matsayin bambance-bambancen tikitin jirgi. An sanar da kudin aikin hajjin bana ba tare da bayyana nawa ne kudin guzuri ba ko da an sanar da karin kudin aikin hajji,” in ji IHR.

Kungiyar ta ce ana baiwa mahajjatan kudin guzuri ne a ranar da za su tashi zuwa kasar Saudiyya a matsayin kudaden da ake kashewa a aljihunsu domin baiwa alhazai damar kula da wasu bukatu na kudi yayin da suke kasar ta Saudiyya.

Kungiyar ta fafaren hula ta kara da cewa "Abin mamaki ne yadda hukumar ta NAHCON ta sanar da biyan kudin aikin Hajji biyu kawo yanzu ba ta sanar da tanade-tanade na kudin guzuri na mahajjata bana maniyyata ba ko bayan wata sanarwar karin kudin daga N4.899 zuwa N6.617".

"Muna kira ga NAHCON da Hukumomin Jin Dadin Alhazai na Jihohi da su gaggauta sanar da nawa ne kudin aikin hajjin 2024 na BTA ga maniyyata," in ji IHR.