Skip to main content

APC za ta yi zaman gaggawa kan shugabanci a majalisar dokokin Najeriya

By Nura Ahmad


 A ranar Laraba 10 ga watan Mayu ne kwamitin gudanarwa na jam`iyyar APC zai yi wani zaman gaggawa kan rikicin neman shugabanci a majalisar dokoki ta goma da za a kafa.

A farkon makon nan ne jam'iyyar ta fitar da wata sanarwa da ke nuna ta kebe shugabancin Majalisar Dattawa da ta Wakilai ga wasu shiyyoyin kasar.

A sanarwar, APC ta ware wa shiyyar Kudu Maso Kuduncin Najeriya kujerar Shugaban Majalisar Dattawa tare da ayyana sunan Sanata Godswill Akpabio a matsayin wanda zai rike wannan mukamin.

Sai kuma kujerar Kakakin Majalisar Wakilai wacce jam'iyyar ta bayyana sunan Tajudeen Abbas daga shiyyar Arewa maso Yammacin kasar.

Bisa ga dukkan alamu wannan matakin na jam'iyyar bai yi wa wasu 'ya'yanta dadi ba lamarin da ya sa wasu daga cikinsu yunkurin bijire mata.

Wannan hali da ake ciki ne zai sa kwamitin gudanarwa na jam`iyyar ta APC ya gudanar da zaman gaggawar domin nemo bakin zaren warware matsalar.

Wani bincike da BBC ta gudanar ya gano tuni wasu masu takarar kujerar Kakakin Majalisar Wakilai suka fara nuna goyon baya ga Mukhtar Aliyu Betara wani dan takara na daban wanda ba shi jam'iyar tasu ta zaba ba.

Su kuwa a bangarensu, 'yan adawa na sauran jam'iyyu da ke majalisar sun ce kamata ya yi APC ta zauna da dukkan 'ya'yanta da ke majalisar kafin ta dauki irin wannan mataki mai muhimmanci kan shugabanci.

Wani dan majalisa na jam'iyyar NNPP daga jihar Jigawa Yusuf Shitu Galambi ya ce dole ne su ma 'yan adawa su yi magana domin shugabancin majalisar ba na 'yan jamiyya daya ba ne.

"Za mu fitar da wanda muke ganin yayi mana mu zabe shi a matsayin shugabanmu" in ji Galambi.

Masana siyasa a Najeriya na ganin idan har ba a warware wannan rikicin ba to babu shakka za a iya maimaita abin da ya faru a zaben shugabannin majalisar a shekarar 2015.

Dakta Abubakar Kari Masanin siyasa ne a Jami'ar Abuja kuma ya ce komai na iya faruwa.

"Akwai alamun da ke nuna cewa wasu 'yan adawa suna kitsa kunyatar da APC, zabin da ya rage wa zababben shugaban Najeriya Bola Tinubu shi ne ya yi amfani da kwanakin da suka rage ya shawo kan 'yan jam'iyyarsa dan su yi abin da jam'iyyar take so, ko kuma ya mika kai bori ya hau" a cewar Dakta Kari.

A shekara ta 2015 ma dai an samu irin wannan rarrabuwar kawuna tsakanin 'yan jam'iyyar ta APC lamarin da ya sa jam'iyyar ta rasa shugabanci a majalisar dokokin kasar

BBC

Popular posts from this blog

Yanzu - Yanzu: Bankuna Zasu Karbi Tsofaffin Kudi Ko da Bayan Karewar Wa'adi - Emefiele

By Nura Ahmad
Image
Gwamnan Babban Bankin Najeriya, Godwin Emefiele, ya ce Bankuna za su ci gaba da karbar tsoffin takardun kudi na Naira ko da bayan wa’adin musaya da sabbin takardun kudin da aka zayyana. Idan dai za a iya tunawa, a kwanakin baya ne babban bankin ya kara wa’adin canza shekar kudi naira 1,000 da naira 500 da kuma N200, biyo bayan korafin ‘yan Najeriya. Sai dai a yayin da shugaban na CBN ya bayyana a gaban kwamitin majalisar wakilai kan sabon tsarin sauya fasalin Naira da kuma canjin naira a ranar Talata, shugaban na CBN ya ce har yanzu bankuna za su karbi tsoffin takardun bayan wa’adin. Emefiele ya ce idan aka yi la’akari da sashe na 20, karamin sashe na 3 na dokar CBN ta shekarar 2007, ko da tsofaffin kudaden sun rasa matsayinsu na neman kudi, CBN za ta ci gaba da karbar tsofaffin takardun kudi. Mista Emefiele ya ce dole ne bankunan kasuwanci su karbi kudin ko da bayan wa'adin 10 ga watan Fabrairu (SOLACEBASE) 
Read more

Zababben Gwamnan Kano Ya Kafa Kwamitin Karbar Mulki

By Nura Ahmad
Image
Zababben Gwamnan Jihar Kano Ya Sanar Da Kwamitin Karbar Mulki …… Dr. Baffa Bichi, Abdullahi Musa ya nada a matsayin Shugaba da Sakatare Bayan gabatar da takardar shaidar cin zabe da hukumar zabe mai zaman kanta ta kasa INEC ta gabatar, zababben gwamnan jihar Kano Engr. Abba Kabir Yusuf (Abba Gida Gida) ya kaddamar da kwamitin sa na mika mulki a shekarar 2023. A wata sanarwa da Sanusi Bature Dawakin Tofa, babban sakataren yada labarai na zababben gwamnan ya fitar, tsohon babban sakataren hukumar kula da manyan makarantu (TETFUND)  dan takarar Sanatan Kano ta Arewa a NNPP Dr. Abdullahi Baffa Bichi ya bayyana a matsayin shugaba na kwamitin mika mulki na Gwamna (GTC), yayin da babban sakataren dindindin, Abdullahi Musa mai ritaya a matsayin sakatare. Kwamitin rikon kwarya zai gudanar da ayyukan mika mulki cikin tsari daga gwamnatin Ganduje mai barin gado zuwa gwamnatin Abba Gida Gida mai jiran gado. Mai girma Gwamnan Jihar Kano mai jiran gado zai kaddamar da kwamitin a ranar Asabar 1 ga Af
Read more