Abdulmumin Jibrin Kofa Ya Taya Femi Gbajabiamila Murnar Sabon Mukamin Da Ya Samu

By Nura Ahmad
A madadin abokinka, zababben dan majalisar tarayya mai wakiltar mazabar Kiru da Bebeji ta jihar Kano, Abdulmumin Jibrin Kofa PhD (Jarman Bebeji) da iyalansa da masoyan mazabar Kiru da Bebeji sun hada kai da miliyoyin yan Najeriya domin taya ka murnar wannan nadi.

A sanarwar da mai magana da yawun Zababben Dan Majalisar, Isah Sulaiman Kofa ya sanyawa hannu, ta ce Ba mu yi mamakin nadin nasa ba lalle ya sanya kwarya a gurbinta. Nasarorin da ka samu a matsayinka na dan majalisa ta 5 da 6, a matsayinka na shugaban marasa rinjaye a majalisa ta 7, a matsayinka na shugaban masu rinjaye a majalisar wakilai ta 8 da kuma matsayinka na kakakin majalisar wakilai ta tara. A tarihi, mafi kyawun kakakin Najeriya ya taba samarwa.

Wannan tarihi na gogewa da sadaukarwar da ka yi cikin kyawawan shekaru ashirin da ka kasance a cikin majalisar wakilai. 

Amincewarmu a gare ka ba ta kau da kai za ka kafa sabon tarihi a matsayin shugaban ma’aikatan fadar shugaban tarayyar Najeriya da ya taba samar da shi, kuma za mu iya yin fariya a kan hakan.

Daga karshe muna rokon Allah Madaukakin Sarki Ya ba ka lafiya da daukaka ya taimaki maigidanka wajen cika burinsa ga  ’yan Najeriya.


Popular posts from this blog

Yanzu - Yanzu: Bankuna Zasu Karbi Tsofaffin Kudi Ko da Bayan Karewar Wa'adi - Emefiele

By Nura Ahmad
Image
Gwamnan Babban Bankin Najeriya, Godwin Emefiele, ya ce Bankuna za su ci gaba da karbar tsoffin takardun kudi na Naira ko da bayan wa’adin musaya da sabbin takardun kudin da aka zayyana. Idan dai za a iya tunawa, a kwanakin baya ne babban bankin ya kara wa’adin canza shekar kudi naira 1,000 da naira 500 da kuma N200, biyo bayan korafin ‘yan Najeriya. Sai dai a yayin da shugaban na CBN ya bayyana a gaban kwamitin majalisar wakilai kan sabon tsarin sauya fasalin Naira da kuma canjin naira a ranar Talata, shugaban na CBN ya ce har yanzu bankuna za su karbi tsoffin takardun bayan wa’adin. Emefiele ya ce idan aka yi la’akari da sashe na 20, karamin sashe na 3 na dokar CBN ta shekarar 2007, ko da tsofaffin kudaden sun rasa matsayinsu na neman kudi, CBN za ta ci gaba da karbar tsofaffin takardun kudi. Mista Emefiele ya ce dole ne bankunan kasuwanci su karbi kudin ko da bayan wa'adin 10 ga watan Fabrairu (SOLACEBASE) 
Read more

Zababben Gwamnan Kano Ya Kafa Kwamitin Karbar Mulki

By Nura Ahmad
Image
Zababben Gwamnan Jihar Kano Ya Sanar Da Kwamitin Karbar Mulki …… Dr. Baffa Bichi, Abdullahi Musa ya nada a matsayin Shugaba da Sakatare Bayan gabatar da takardar shaidar cin zabe da hukumar zabe mai zaman kanta ta kasa INEC ta gabatar, zababben gwamnan jihar Kano Engr. Abba Kabir Yusuf (Abba Gida Gida) ya kaddamar da kwamitin sa na mika mulki a shekarar 2023. A wata sanarwa da Sanusi Bature Dawakin Tofa, babban sakataren yada labarai na zababben gwamnan ya fitar, tsohon babban sakataren hukumar kula da manyan makarantu (TETFUND)  dan takarar Sanatan Kano ta Arewa a NNPP Dr. Abdullahi Baffa Bichi ya bayyana a matsayin shugaba na kwamitin mika mulki na Gwamna (GTC), yayin da babban sakataren dindindin, Abdullahi Musa mai ritaya a matsayin sakatare. Kwamitin rikon kwarya zai gudanar da ayyukan mika mulki cikin tsari daga gwamnatin Ganduje mai barin gado zuwa gwamnatin Abba Gida Gida mai jiran gado. Mai girma Gwamnan Jihar Kano mai jiran gado zai kaddamar da kwamitin a ranar Asabar 1 ga Af
Read more