Yanzu-Yanzu : Gwamnatin Kano Ta Sanar Da Rage Kashi Hamsin Cikin Dari Na Kudin Da Daliban Manyan Makarantu Ke Biya

Gwamna Abba Kabir ne ya sanar da hakan a yammacin ranar Litinin

Gwamnan yace ya bawa Shugabannin makarantun gaba da Sakandire dake Kano umarnin rage kudin da dalibai ke biya daga kaso dari zuwa kaso hamsin

Alhaji Abba Kabir Yusuf wanda ya sanar da hakan ta shafinsa na Facebook, ya ce wannan mataki ya faru ne sakamakon tsananin rayuwa da jama’a ke fuskanta a halin yanzu a kasar nan 

Kada Wanda Ya Kafa Allunan Taya Ni Murnar Zama Minista – Wike

 

Ministan Abuja, Nyesom Wike, ya hana karkafa duk wasu allunan talla da nufin taya shi murnar zama Minista.

A cikin wata sanarwa da Daraktan Yada Labarai na ma’aikatar, Anthony Ogunleye, Wike ya ce ya yanke shawarar daukar matakin ne saboda nuna kishin kasa da kuma mayar da hankali wajen aikin da Tinubu ya sa shi.

Sanarwar ta ce Ministan ya gode da fatan alherin, amma ya bukaci a dakatar da amfani da irin wadannan allunan tallan.

Wike ya ce babban burinsa shi ne ya bunkasa Abuja ta yadda mazauna cikinta za su ji dadin zamanta a zamanin mulkinsa.

Ya kuma ce ya yana matukar girmamawa da kuma mutunta bukatun mazauna birnin tare da jajircewa wajen ganin ya biya musu su.

AMINIYA

Shugaban Amurka Ya Buƙaci Ganawa Ta Musamman Da Tinubu

 Shugaban Amurka Joe Biden ya aike da gayyata ga Shugaba Bola Tinubu domin gudanar da wata tattaunawa tsakaninsu.

Cikin wata sanarwa da mai magana da yawun Shugaban Najeriya, Ajuri Ngelale, ya fitar ya ce Jakadan Shugaban Amurka na musamman, kuma Mataimakin Sakataren Harkokin Wajen Kasar, Ambasada Molly Phee ne ya bayyana haka lokacin da ya ziyarci Shugaba Tinubu a fadarsa..

• Cikin wata sanarwa da mai magana da yawun Shugaban Najeriya, Ajuri Ngelale, ya fitar ya ce Jakadan Shugaban Amurka na musamman, kuma Mataimakin Sakataren Harkokin Wajen Kasar, Ambasada Molly Phee ne ya bayyana haka lokacin da ya ziyarci Shugaba Tinubu a fadarsa 

  Cikin wata sanarwa da mai magana da yawun Shugaban Najeriya, Ajuri Ngelale, ya fitar ya ce Jakadan Shugaban Amurka na musamman, kuma Mataimakin Sakataren Harkokin Wajen Kasar, Ambasada Molly Phee ne ya bayyana haka lokacin da ya ziyarci Shugaba Tinubu a fadarsa.

  • 
    
    

  Mista Phee ya shaida wa Tinubu cewa Shugaba Biden na buƙatar ganawa ta musamman da shi, a lokacin babban taron Majalisar Dinkin Duniya da za a gudanar a birnin New York cikin watan Satumba.

  Jakadan na Amurka ya ce Tinubu ne kaɗai shugaban Afirka da shugaban Amurka ya karrama da gayyatar ganawa da shi.

  Ya ƙara da cewa “Mun san akwai hanyoyin da za mu bi domin ƙarfafa zuba jarin Amurka a Najeriya, kuma muna son yin aiki kafaɗa-da-ƙafaɗa da kai domin cimma hakan, a wani ɓangare na inganta tattalin arzikin Najeriya da ma na Afirka.

  “Muna yabawa da irin ƙoƙarin da kake yi wajen samar da yanayi mai kyau ga masu zuba jari.

  “Saboda haka ne shugaba Joe Biden ke buƙatar ganawa da kai a lokacin babban taron Majalisar Dinkin Duniya, kuma kai kaɗai ne shugaban da ya buƙaci ganawa da kai daga Afirka.

  “Wannan kuma alama ce da ke nuna cewa ya yarda da nagartar shugabancinka,” in ji jakandan na Amurka.

  Mista Phee ya shaida wa Tinubu cewa Shugaba Biden na buƙatar ganawa ta musamman da shi, a lokacin babban taron Majalisar Dinkin Duniya da za a gudanar a birnin New York cikin watan Satumba.

  Jakadan na Amurka ya ce Tinubu ne kaɗai shugaban Afirka da shugaban Amurka ya karrama da gayyatar ganawa da shi.

  Ya ƙara da cewa “Mun san akwai hanyoyin da za mu bi domin ƙarfafa zuba jarin Amurka a Najeriya, kuma muna son yin aiki kafaɗa-da-ƙafaɗa da kai domin cimma hakan, a wani ɓangare na inganta tattalin arzikin Najeriya da ma na Afirka.

  “Muna yabawa da irin ƙoƙarin da kake yi wajen samar da yanayi mai kyau ga masu zuba jari.

  “Saboda haka ne shugaba Joe Biden ke buƙatar ganawa da kai a lokacin babban taron Majalisar Dinkin Duniya, kuma kai kaɗai ne shugaban da ya buƙaci ganawa da kai daga Afirka.

  “Wannan kuma alama ce da ke nuna cewa ya yarda da nagartar shugabancinka,” in ji jakandan na Amurka.

Jakadan na Amurka ya ce Tinubu ne kaɗai shugaban Afirka da shugaban Amurka ya karrama da gayyatar ganawa da shi.

Ya ƙara da cewa “Mun san akwai hanyoyin da za mu bi domin ƙarfafa zuba jarin Amurka a Najeriya, kuma muna son yin aiki kafaɗa-da-ƙafaɗa da kai domin cimma hakan, a wani ɓangare na inganta tattalin arzikin Najeriya da ma na Afirka.

“Muna yabawa da irin ƙoƙarin da kake yi wajen samar da yanayi mai kyau ga masu zuba jari.

“Saboda haka ne shugaba Joe Biden ke buƙatar ganawa da kai a lokacin babban taron Majalisar Dinkin Duniya, kuma kai kaɗai ne shugaban da ya buƙaci ganawa da kai daga Afirka.

“Wannan kuma alama ce da ke nuna cewa ya yarda da nagartar shugabancinka,” in ji jakandan na Amurka.

AMINIYA

Masu Garkuwa Da Mutane Sun Sace Jami'in Alhazai A Kano

A daren jiya Asabar ne, wasu mutane da ake zargin masu garkuwa da mutane ne,suka je har gida suka tafi da Jami'in Alhazai na Karamar Hukumar Bebeji

Alhaji Sagiru Umar Kofa, ya kasance babban hadimi ga zababben dan majalisar tarayya mai wakiltar kananan hukumomin Kiru da Bebeji, Abdulmumin Jibrin Kofa 

Majiyarmu ta tabbatar mana cewa masu garkuwa wadanda suka shiga gidan Sagiru Kofa su biyar, an tabbatar cewa wasu daga cikinsu na dauke da bindiga

A halin yanzu dai tuni jami'an 'yan sanda sun dukufa domin gano inda masu garkuwar suka yi da shi don ƙoƙarin kubutar da shi 

Hukumar Kula Da Lafiya A Matakin Farko Ta Kano, Ta Ce Za Ta Yi Amfani Da Fasahar Sadarwa Wajen Bibiyar Kashe Kudadenta

Hukumar Kula da Lafiya a matakin farko ta Jihar Kano ta bayyana yin amfani da na’urorin fasahar sadarwa na zamani wajen bin diddigin ayyukan hukumar a kowane mataki.

Darakta Janar na Hukumar Kula da Lafiya a matakin farko ta Jihar Kano Dr. Muhammad Nasir Mahmoud ne ya bayyana hakan a lokacin da yake gabatar da wata manhaja mai suna Code Name Harmonized Finacial Tracking Tool wanda sashin fasahar sadarwa na hukumar ya samar.

A sanarwar da jami’in yada labarai na hukumar, Maikudi Muhammed Marafa ya sanyawa hannu, Dokta Nasir ya bayyana fatansa cewa, manhajar za ta samar da hanyar da za ta taimaka wa hukumar wajen bin diddigin duk wani tsarin tafiyar da harkokin kudi na hukumar.

Ya yabawa sashin fasahar sadarwar na hukumar bisa aikin  tare da bada tabbacin goyon bayansa kan sabbin abubuwa da zasu inganta ayyukan hukumar.

A nasa jawabin daraktan kudi na hukumar Malam Abubakar ya bayyana makasudin samar da manhajojin da ke da manufar tattarawa, tantancewa da kuma duba duk wata hada-hadar kudi daga duk hanyoyin samun kudade a matakin hukumar lafiya.

Daraktan ya ci gaba da bayanin cewa, manhajar za ta tabbatar da bin diddigin gaskiya da gaskiya a duk matakin da ake bukata, da kawo karshen ganin duk wata mu’amalar kudi ta cibiyoyin kiwon lafiya tare da inganta ritayar duk wani kashe kudi.

Hakazalika a cewar Darakta an tsara wannan manhaja ne domin sa ido da kuma yin armashin hada-hadar kudi na ’yan asusu, ’yan asusu na shiyyar, alkalan kananan hukumomi da kuma jami’in kula da cibiyoyin lafiya a karkashin hukumar kula da lafiya a matakin farko.

An Kawo Karshen Rashin Fahimtar Juna Tsakanin Ma'aikatar Al'adu Da Hukumar Tace Finafinai Ta Kano

A ranar Juma'a ne kwamishinan shari'a na Jahar Kano,  Barista Haruna Isah Dederi ya shirya wani taro irinsa na farko tsakanin kwamishinan raya al'adu da yawon rude ido ta Jahar Kano Hajiya ladidi Garko da Kuma Manajin Darakta na hukumar kula da masu yawon Bude ido Alh. Tukur Bala Sagagi tare da Shugaban Hukumar tace Fina-finai da Dab'i ta Jahar Kano Alh. Abba El-mustapha

Shugaban Hukumar Tace Finafinai da Dab'i ta Jahar Kano, Abba El-Mustapha, Shi ne ya walllafa labarin a shafinsa na #Facebook 

El-Mustapha ya ce an shirya taron ne  domin nemo bakin zaren rashin fahimtar dake faruwa wajen gudanar da aiyukan daya rataya a tsakanin hukumomin biyu akan masu sana'ar gidajen kallo tare da masu gidajen shirya tarur-ruka (event centers). 

Tunda farko dai kwamishinan shari'ar na Jahar Kano Barista Haruna Isah Dederi yayi dogon jawabi dangane da hakki tare da aiyukan da rataya a kan dukkannin hukumomin biyu inda bayan doguwar tattaunawa tsakankanin shuwagabannin Hukumomin biyu aka sami daidaito dangane da shawarar da Shugaban Hukumar tace Fina-finai ta Jahar Kano Alh. Abba El-mustapha ya kawo na araba aiyukan gida biyu inda kowacce hukuma zata dauki daya danta maida hankali akan sa.

Hajiya Ladidi Garko ita ce kwamishiyar hukumar lura da al'adu tare da yawon bude ido ta Jahar kano a inda a madadin hukumar tayi na'am da hakan la'akari da hakan kwamishina shari'a na Jahar Kano Barista Haruna Isah Dederi ya tabbatar da bawa ko wacce hukumar aiki daya dan ta maida hankali akai domin cimma nasarar da gobnati tasa agaba

A yanzu haka dai, Hukumar tace Fina-finan da Dab'i ta Jahar Kano ita ce keda alhakin kula da aiyukan masu sana'ar gidajen kallo(Viewing Centers), Inda Hukumar kula da al'adu tare da masu yawon buda ido keda alhakin kula da aiyukan masu gidajen shirya tarur-ruka (Event centers).

Ana su jawabansu Daban-daban,  shuwagabannin sun nuna farin cikin su dangane da yadda ma'aikatar shari'ar ta kawo karshen takaddamar tare da samun nasarar da taron yayi na cimma matsaya 

Rashin Aikin Yi Ya Ragu Da Kaso 4.1 A Najeriya – Hukumar Kididdiga

Hukumar Kididdiga ta Najeriya (NBS) ta ce matsalar rashin aikin yi ta ragu da kaso 4.1 cikin 100 a watanni uku na farkon 2023.

Alkaluman rashin aikin yi dai sun kai kaso 33.3 cikin 100 a rahoton karshe da hukumar ta fitar ya zuwa karshen shekara ta 2020.

A cewar Babban Mai Kididdiga na Kasa, Semiyu Adediran, sun yi amfani da tsarin ICLS ne wajen yin kididdigar ta karshe. Taron masu kididdigar kwadago ta duniya ne ya kirkiro sikelin da aka yi amfani da shi a shekara ta 1982.

A baya dai hukumar ta ce za ta yi amfani da sabuwar hanya wajen kididdige ainihin yawan masu aikin yi da masu zaman kashe wando domin samun sahihan alkaluma a Najeriya.

A yayin da yake jawabi yayin kaddamar da sabuwar hanyar kididdigar a Abuja ranar Alhamis, Semiyu ya ce sabbin alkaluman sun sa kididdigar ta Najeriya ta zama iri daya da ta sauran ƙasashen duniya.

Ya ce an gudanar da ita ne da hadin gwiwar Bankin Duniya da Kungiyar Kwadago ta Duniya (ILO), kuma tuni ƙasashe 26 suka rungume ta a nahiyar Afirka.

Shugaban ya ce alkaluman, ya zuwa karshen shekarar da ta gabata sun tsaya ne a kan kaso 5.3 cikin 100, kafin su sauka a farkon wannan shekarar.

(AMINIYA)

Gwamnan Kano Zai Biya Wa Daliban BUK 7,000 Kudin Makaranta

Gwamnan Jihar Kano, Abba Kabir Yusuf, ya bayar da umarnin biya wa daliban da ke karatu a Jami’ar Bayero (BUK) kimanin su 7,000 ’yan asalin Jihar kudin makaranta.

Babban mai taimaka wa Gwamnan a kan harkokin kafafen sadarwa na zamani, Salisu Yahaya Hotoro, ne ya tabbatar da haka a cikin wani sako da ya wallafa a shafinsa na Facebook da maraicen Laraba.

“Gwamnan Jihar Kano, Engr. Abba Kabir Yusuf ya bayar da umarnin biya wa ɗaliban jihar Kano da ke karatu a BUK su kimanin dubu bakwai kuɗin makaranta,” kamar yadda ya wallafa.

Hakan na zuwa ne dai a daidai lokacin da daliban jami’ar ke ci gaba da kokawa da karin kudin da jami’ar ta yi.

A sakamakon karin, dalibai da dama sun rika neman gwamnati da masu hannu da shuni da su tallafa musu.

Hatta jami’ar ta Bayero sai da ta tsawaita wa’adin lokacin yin rajistar dalibai, kasancewar da dama daga cikinsu ba su iya kammalawa ba, saboda tsadar.

(AMINIYA)

Sunayen Unguwannin Da Wike Zai Yi Rusau A Abuja

Ministan Abuja, Nyesom Wike ya amince a rusa gine-gine sama da 6,000 a yankunan Garki da Jabi da wasu unguwanni 28 da suka saɓa da tsarin birnin tarayyan ba.

Hukumar kula da birnin tarayyar (FCTA) ta fitar da jerin sunayen unguwannin, inda ta bayyana cewa gine-ginen ta riga aka sanya wa alama ne rusau din zai shafa, a shirin gwamnati na kawar da gine-ginen da aka yi ba bisa ƙa’ida ba a birnin.

Ga jerin unguwannin da abin zai shafa:

Apo Mechanic Village

Byanzhin.

Dawaki.

Dai Dai.

Durumi.

Dutse.

Garki.

Garki Village.

Gishiri.

Gwagwalada.

Idu.

Jabi.

Kauyen Kado.

Karmo.

Karshi.

Karu.

Katampe.

Kauyen Ketti.

Kpaduma.

Kabusa.

Kauyen Kpana.

Kubwa.

Lokogoma.

Lugbe.

Mabushi.

Mpape.

Nyanya.

Piya Kasa.

Jikwoyi

Galadima

Tun ranar Litinin da aka rantsar da tsohon gwamnan na jihar Ribas a matsayin Minista, ya sha alwashin dawo da birnin kan ainihin taswirarsa, ruguza gine-ginen aka yi ba bisa tsaru ba, da kuma kawo karshen badaƙalar filaye a babban birnin.

Wike wanda ya ce ya zaga birnin Abuja a cikin dare domin ya ga al’amura da kansa, ya koka bisa yadda aka yi gine-gine a filayen da gwamnati ta kebe ba don ginawa ba.

Ya ce: “Za mu kwace duk filayen da masu su ba su gina ba, don haka dole masu su su ci gaba da aiki nan take.

Sai dai daraktan sashen kula da ci gaban FCTA, Muktar Galadima ya ce za a gudanar da wani sabon bincike.

(AMINIYA) 

Hukumar Tace Finafinai Ta Rufe Sutudiyon Mawaki Ɗanzaki

Hukumar Tace Finafinai da Dab’i ta Jihar Kano ta tabbatar da cewa ita ce ta garƙame sutudiyon mawakin siyasar nan Idris Ɗanzaki tare da yin awon gaba da kayan aikinsa.

Jami’in Hulda da Jama’a na Hukumar, Abdullahi Lawan Sulaiman ya shaida wa ’yan jarida a Kano cewa hukumar ta ɗauki matakin ne bayan mawaƙin ya yi biris da gayyatar da ta yi mana na bayyana a ofisoshint

Ya ce tun ranar Asabar Hukumar ta nemi mawakin ya bayyana a ofisoshinta, amma har zuwa lokacin da muke kawo muku wannan labari bai amsa gayyatar ba.

“Kasancewar a yanzu zamani ya sawwake abubuwa mun yi amfani da waya inda muka kira wannan mawaki Idris Ɗanzaki inda kuma muka nemi ya zo wannan hukuma.

“Bayan sun kira ni a waya sun ce suna gayyata ta, na tura lauyana hukumar don ya wakilce ni.

“Amma me zai faru sai aka kira ni cewa wai hukumar ta rufe sutudiyona haka kuma ta kwashe wasu kayayyakin aikina.”

Abdullahi Lawan ya kara da cewa hakan ya sa Hukumar ta sa aka kulle sutudiyon tare da kwashe kayayyakin aikinsa.

Sai dai yayin da majiyarmu ta tuntubi mawaƙin ya tabbatar mata cewa hukumar ta gayyace shi amma ya tura lauyansa ya wakilce shi.

Mawakin ya yi iƙirarin cewa Hukumar ba ta sanar da shi laifin da take zargin sa da aikatawa ba.

Duk da cewa hukumar ba ta bayyana dalilin gayyatar mawakin ba, amma rahotanni sun nuna cewa ana zargin sa ne da yin munanan kalamai ga jagoran darikar Kwankwasiyya Injiniya Rabiu Musa Kwankwaso a cikin wata waka da ya yi a kwanan baya.

(AMINIYA)