’Yan Bindiga Sun Sace Tsohon Kanar Din Soja A Zamfara

 

’Yan bindiga sun sace Kanar Lawal Rabiu Yandoto (mai ritaya) a kan hanyarsa ta zuwa garinsu, Yandoto da ke Karamar Hukumar Tsafe a Jihar Zamfara.

Wata majiya ta bayyana cewa ’yan bindigar sun sace shi ne tare da ’ya’yansa biyu da kuma wasu.

“Maharan sun yi wa Kanar kwanton bauna da misalin karfe 6 na yamamcin ranar Lahadi, suka sace shi tare da ’ya’yansa biyu da kuma wasu mutum biyu,”  in ji majiyar.

Majiyar ta ce an ji karar harbe-harbe daura da shiga garin na Yandoto lamarin da ya tilasta mutane guje-guje domin tsira.

Ta bayyana cewa an gano maharan sun yi awon gaba da tsohon Kanar din ne bayan da mutane suka samu motarsa babu kowa a ciki.

Kakakin ’yan sandan jihar bai daga waya ba ballatana a ji ta bakinsa kan lamarin.

(AMINIYA)

Masu Sukar Lafiyata Ba Su Da Abin Yi Ne —Tinubu

Dan takarar Shugaban Kasa na jam’iyyar APC, Bola Ahmad Tinubu, ya ce sukar lafiyarsa da wasu ke yi shirme ne tsagwaronsa.

Da yake zantawa da Tashar Freedom Radio ta Kano a Saudiyya, Tinubu ya ce ya yi Dawafi inda ya kewaye Ka’abah sau bakwai ya kuma yi Safa da Marwa wanda mara lafiya ba zai iya aikata hakan ba.

Masu sukar Tinubu sun dage da kira kan cewa dan takarar ba zai iya rike Najeriya ba saboda rashin koshin lafiya.

Sai dai Yinubun ya ce masu korafi game da lafiyarsa shirme ne kawai, saboda “Yanzu na kammala aikin Umarah, na yi Dawafi sau bakwai da Safa da Marwa da kaina.

“Shin wanda ba shi da lafiya zai iya aikata hakan? Don haka wannan tsohon labari ne, masu yayata hakan ba su da abin yi face karya da shirme.

“Kwarai ga ni a Saudiyya, bukatar kaina ta kawo ni. Tun fil azal ni mai sha’awar yin Umarah ne saboda dama ce ta ganawa da Ubamgiji,” in ji Tinubu.

Game da batun halartar tarurrukar tattaunawa da jama’a, Tinubu ya ce masu korafin ba a ganin shi a wajen tarurrukan wadanda suka sha kaye ne kuma haka za su ci gaba da shan kaye.

(AMINIYA)

Ya ce a saninsa yana zagayawa don tattaunawa da jama’a walau kai tsaye ko kuma bisa wakilci.

Mun Kama Bako Da Kullin Hodar Iblis 105 Daga Brazil —NDLEA

Hukumar Yaki da Sha da Fataucin Miyagun Kwayoyi ta Kasa (NDLEA) ta kama kullin hodar iblis 105 a cikin kayan wani wanda ya dawo daga kasar Brazil a Babban Jirgin Sama na Murtala Mohammed da ke Legas.

Daraktan yada labarai na hukumar, Femi Babafemi, ya sanar ranar Lahadi a Abuja cewa sun kama wanda ake zargin ne ranar Kirsimeti.

Ya ce wanda ake zargin na daga cikin fasinjojin da suka dawo daga birnin Sao Paulo na kasar Brazil.

A cewarsa, bayanan sirrin da suka samu sun taimaka wajen kama wanda ake zargin a filin jirgin.

Ya ce, saura kiris ya sha sakamakon babu abin da suka gano a binciken farkon da suka yi masa.

Da aka tsananta bincike a kansa karo na biyu, sai aka gano hodar iblis din da yake dauke da ita, in ji jami’in.

Shugaban NDLEA na Kasa, Birgediya-Janar Buba Marwa (Murabus), ya sha nanata cewa ba za su raga wa masu fataucin miyagun kwayoyi ba ko’ina suke a fadin kasa.

(AMINIYA)

(NAN)

El-Rufai ya yi wa fursunoni 11 afuwa a Kaduna

Gwamnan jihar Kaduna da ke arewa maso yammacin Najeriya Malam Nasir Ahmad El-Rufai, ya amince da yin afuwa ga fursunoni 11 daga gidajen yarin jihar domin murnar sabuwar shekarar 2023.

Wannan na ƙunshe ne cikin wata sanarwa da mataimaki na musamman ga gwaman kan kafofin yaɗa labarai na gwamnan jihar Mista Muyiwa Adekeye ya fitar.

Afuwar ta shafi fursunonin da suka nuna kyakkyawan hali da waɗanda suke fama da rashin lafiya kamar yadda sanarawar ta bayyana.

Haka kuma gwamnan ya nemi al'ummar jihar da su ci gaba da kasancewa masu son zaman lafiya, tare da fatan cewa aikin da ya faro tun a shekarar 2015 domin inganta rayukan al'umma jihar za su ci gaba a gwamnati mai zuwa.

(BBC HAUSA)

Bidiyo: Ku kalli yadda shaukin son Alkur'ani ya sanya sakataren hukumar alhazan Kano yin kyauta ta musammam

2023: Amurka Za Ta Mara Wa Najeriya Baya A Harkar Zabe

Gwamnatin Kasar Amurka ta ce za ta mara wa Najeriya baya dangane da zaben 2023 don tabbatar da masu kada kuri’a sun samu aminci a yayin zaben.

Amurka ta bayyana hakan ne ta bakin ofishin jakadancinta a Najeriya.

Kamfanin Dillancin Labarai na Najeriya (NAN), ya rawaito Amurka za ta mara wa kasar baya ne karkashin shirin ‘Vote023’.

Vote023 shiri ne na musamman don wayar da kan jama’a kan harkokin zabe musamman ganin yadda zaben 2023 ya karato.

Daya daga cikin jagororin shirin ‘Vote023’, Misis Angela Ochu-Baiye ce ta bayyana haka ranar Asabar a Legas.

Ochu-Baiye ta ce abin a yaba ne ganin Ofishin Jakadancin Amurka ya amice su yi aiki tare don wayar da kan ’yan kasa kan zaben 2023.

• 
  

2023: Peter Obi Ne Dan Takarata —Obansajo

 

A karon farko tsohon shugaban kasa, Olusegun Obasanjo, ya fito bainar jama’a ya bayyana goyon bayansa ga dan takarar shugaban kasa na Jam’iyyar LP, Peter Obi, a zaben 2023.

Da yake bayyana goyo bayan nasa a cikin sakonsa na murnar shiga Sabuwar Shekarar 2023, Obasanjo ya ce Peter Obi ya yi wa sauran ’yan takarar shugaban kasa fintinkau wajen  ilimi da kwarewa.

• https://noordakata.blogspot.com/2023/01/abdulmumin-jibrin-kofa-ya-raba-tallafin.html
• https://noordakata.blogspot.com/2023/01/gwamnan-jihar-kano-abdullahi-umar.html

A cikin sakonsa nasa mai mai taken, “Rokona ga ’yan Najeriya, musamman matasa,” Obasanjo ya ce, “Duk da cewa a cikin masu masu takarar babu wani shafaffe da mai, amma a cikin Peter Obi ya fi sauran nagarta ta bangaren kyawun dabi’u, gogewa, fahimta, abin da suka yi a baya da wanda za su iya kawowa.”

“Sauran kuma, kamar kowannenmu na da irin gudunmawar da zai bayar a sabuwar gwamantin wajen farfado da al’amura da kuma ceto Najeriya.

“Dadin dadawa, Peter Obi allura da zare ne mai wuyar bata ga al’ummar Arewaci da Kudancin Najeriya, saboda da masu fada masa magana ya ji, idan bukatar hakan ta taso.

“Sannan yana da mataimaki wanda matsashi ne mara tabo a bangaren nasarorin da ya samu a rauyuwa, da kuma harkokin jama’a,” in ji sakon na Obasanjo.

• 
  

Abdulmumin Jibrin Kofa ya raba tallafin naira miliyan hamsin ga al'umar Kiru da Bebeji

 

A ranar lahadi ne dan takarar majalissar tarayya a kananan hukumomin Kiru/Bebeji a jam'iyyarNNPPHon Abdulmumin Jibrin Kofa PhD,(Jarman Bebeji) ya gwanjage mutanen yankinsa da jari/tallafin kudade inda wasu suka rabauta da Dubu dari biyu(#200,000), Dubu dari daya(#100,000), Dubu Hamsin(#50,000), Dubu Ashirin(#20,000), Dubu Goma(#10,000) da kuma Dubu Biyar(#5,000).

Mutanen da suka amfana da wannan jari/tallafi sun hada da wakilan akwatuna, Exco na karamar hukuma da mazabu na Jam'iyyar NNPP da PDP na Kiru/Bebeji, KOKAS na Kiru/Bebeji, Wasu kungiyoyi masu karfi na mata da matasa a Kiru/Bebeji, Dagatan Kiru/Bebeji, Limaman Juma'a Kiru/Bebeji, Malaman Kwankwasiyya Kiru/Bebeji, Dalibai, Yan Social Media, Mafarauta, Yan Achaba, Mahauta da kuma mutane masu bukata ta musamman.

Wannan taro ya sami halartar yan takarkaru na Kiru/Bebeji, manyan jagorori tare da  shuwagabannin jam'iyyar NNPP/PDP na Kiru/Bebeji.

Babban Zauren Majalisar Ɗinkin Duniya ya nemi jin matsayin shari'a daga babbar kotun duniya kan mamayen da Isra'ila ta yi wa yankunan Falasɗinawa.

Ƙudurin wanda ya samu goyon bayan ƙasa 87, sai 26 suka nuna adawa da shi ciki har da Amurka da Burtaniya.

Kotun Hukunta Manyan Laifuka ta Duniya tana da ƙarfin yanke hukunce-hukuncen da wajibi ne a yi musu biyayya, amma ba ta iya tilasta aiki da su.

Ƙuri'ar ta ranar Juma'a, ta zo ne kwana ɗaya bayan rantsar da Benjamin Netanyahu a matsayin firaminista na gwamnatin Isra'ila mafi tsaurin ra'ayi a tarihi.

Isra'ila ta mamaye Gaɓar Yamma da Kogin Jordan kuma ko da yake ta janye daga Gaza amma har yanzu Majalisar Ɗinkin Duniya tana kallon yankin a matsayin wanda ke ƙarƙashin mamaye.

Isra'ila na iƙirarin cewa gaba ɗayan Ƙudus ne babban birninta, yayin da Falasɗinawa ke cewa Gabashin Ƙudus ne babban birnin wata ƙasarsu da za a kafa nan gaba.

Amurka na cikin tsirarun ƙasashen da suka amince da Ƙudus a matsayin babban birnin Isra'ila.

Falasɗinawa na iƙirarin mallakar Gaɓar Yamma da Kogin Jordan da Gabashin Ƙudus wanda Isra'ila ta haɗe cikin ƙasarta da Zirin Gaza don kafa ƙasar da suke fatan gani a nan gaba.

Jami'an Falasɗinu sun yaba wa ƙuri'ar da Majalisar Ɗinkin Duniya ta kaɗa a matsayin wata nasara a gare su.

Nabil Abu Rudeineh ya ce lokaci ya yi da za a kama Isra'ila "da alhaki kan laifukan da ake ci gaba da aikatawa a kan jama'armu".

Sabon firministan Isra'ila, a nasa ɓangare, ya bayyana matakin a matsayin wani "abin ƙyama"."Al'ummar Yahudawa ba 'yan mamaya ba ne a ƙasarsu ta haihuwa kuma ba masu mamaya ba ne a babban birnin Ƙudus da Allah ya ba mu kuma babu wani ƙudurin Majalisar Ɗinkin Duniya da zai iya kankare wannan gaskiyar abin tarihi," in ji Mista Netanyahu ranar Asabar da yamma.

A ranar Alhamis ne, Benjamin Netanyahu ya sake dawowa a matsayin fira minista na wata gwamnatin gamin gambiza ta ƙawancen masu tsattsauran ra'ayin kishin ƙasa da masu tsananin kishin Yahudanci na ainihi.

Ƙa'idar farko da ke yi wa gwamnatin jagora wadda aka wallafa ranar Laraba, ta ayyana cewa "Al'ummar Yahudawa ne ke da 'yancin da ba wata tababa a kan duk yankunan ƙasar Isra'ila, su kaɗai".

Ta ce a ciki har da Gaɓar Yamma da Kogin Jordan da ke ƙarƙashin mamaye kuma ta yi alƙawarin "ci gaba da kuma bunƙasa" matsugunnai a can.

Yahudawa kimanin 600,000 ne ke zaune a matsugunnan da aka gina guda 140 tun bayan mamayen da Isra'ila ta yi wa Gaɓar Yamma da Gabashin Ƙudus a shekarar 1967.

Mafi rinjayen ƙasashen duniya na kallon matsugunnan a matsayin haramtattu a ƙarƙashin dokokin ƙasashen duniya, ko da yake, Isra'ila tana jayayya da hakan.

Sabuwar gwamnatin ta kuma yi alƙawarin halatta wasu cibiyoyin soji kimanin 100 a Gaɓar Yamma waɗanda aka gina ba tare da izinin Isra'ila ba - kuma za ta haɗe Gaɓar Yamman da ƙasarta.

Mai magana da yawun Burtaniya a MajaDu na cewa ba ya jin kai batun gaban kotun hukunta manyan laifuka zai "taimaka wajen dawo da ɓangarorin kan teburin tattaunawa". Ya kuma ce hakan "bai kamata ba tun da babu yardar duk ɓangarorin biyu" na neman shawarar kotu a kan "abin da tun ainihi taƙaddama ce ta ɓangare biyu".

(BBC HAUSA)

• 
  

• 
  
• 
  
• 
  

Gwamna Abdullahi Umar Ganduje yace 'yan arewa basu da wanda zasu zaba sama da Bola Tinubu

 

Gwamnan Jihar Kano, Abdullahi Umar Ganduje, ya ce ’yan Arewa ba su da wani dalili ko kadan da zai hana su zabar dan takarar Shugaban Kasa na jam’iyyar APC, Bola Ahmed Tinubu.

Ya ce dan takarar tasu ya yi sadaukarwa mai tarin yawa wajen bunkasa Dimokuradiyya a Najeriya, musamman wajen kokarinsa na cicciba dan Arewa ya zama Shugaban Kasa.

Saboda haka, Ganduje ya ce yanzu ne daidai lokacin da ya dace a rama wa kura aniyarta.

. https://noordakata.blogspot.com/2022/12/sojojin-haya-sun-kama-jirgi-maare-da.html

. https://noordakata.blogspot.com/2022/12/gasar-sukuwar-dawaki-ta-premier-ta.html

Ganduje ya bayyana haka ne yayin wani taro da wata kungiya mai suna Volunteers for Democracy, karkashin Sakataren Gwamnatin Jihar, Alhaji Usman Alhaji ta shirya a Kano ranar Asabar.

A cewar Gwamnan, “Babu wani hanzari da ’yan Arewa suke da shi na kin zabar APC da dan takararta, Bola Tinubu.

“A baya, ya taka muhimmiyar rawa wajen nasarar ’yan Arewa, don haka ya kamata mu ma mu nuna halacci.

“Tinubu ya goyi bayan Buhari a gwagwarmayarsa har ya zama Shugaban Kasa. Bai nemi a biya shi da kowanne irin matsayi ba a gwamnati, kuma ya ci gaba da goyon bayan gwamnatin.

“Ni ban ma taba ganin masoyin ’yan Arewa ba kamar shi,” inji Ganduje