Ilimi shi ne ginshikin ci gaba a kowace Al'umma - Laminu Rabi'u Danbaffa

Darakta Janar na Hukumar Jin Dadin Alhazai ta Jihar Kano, Laminu Rabi’u Danbappa, shi ne ya bayyana haka a yau a lokacin wani taro da Malaman Bita na kananan hukumomi wanda aka gudanar a harabar Hukumar.

     

A sanarwar da Jami'in hulda da jama'a na hukumar, Sulaiman Abdullahi Dederi ya sanyawa hannu, yace Laminu Rabi’u Danbappa ya ce hukumar ta shirya wannan taro ne domin gabatar da sabon jagoranci na Malaman koyar da aikin Hajji daga matakin jiha.

Alh Laminu Rabi'u, ya kara da cewa, hukumar jin dadin alhazai, za ta ci gaba da bada fifiko kan fadakar da alhazai yadda ake gudanar da aikin Hajji.

A nasa bangaren Daraktan yada labarai da fadakar da Alhazai Alh Sa’idu Muktar Dambatta, ya yi kira ga Malaman da su ba da hadin kai domin cimma burin da aka sanya a gaba.

A nasa jawabin, Sabon Shugaban kwamitin Malaman Bitar na Kano, Wanda kuma ya kasance dan Hukumar gudanawa ta hukumar  Alhazan ta Kano, Shelkh Tijjani Shehu Mai-Hula, ya umarci Malaman Bitar  da su tabbatar da adalci wajen gudanar da ayyukansu.

Shelkh Tijjani Mai -Hula, ya godewa hukumar bisa shirya wannan taro mai matukar muhimmanci.

Shugaban NAHCON Ya Kai Ziyarar Neman Hadin Kai Ga Babban Limamin Legas Da Sauran Masu Ruwa Da Tsaki

A ci gaba da ziyarar tuntubar da yake yi wa masu ruwa da tsaki a fadin kasar nan, shugaban riko/shugaban hukumar alhazai ta kasa (NAHCON), Malam Jalal Ahmad Arabi OON, FWC, ya kai ziyarar ban girma ga babban limamin Legas, Fadilat Sheikh Sulaiman Oluwatoyin. Abou Ola, da kungiyar Ansaru Deen Society of Nigeria.

Da yake jawabi a wajen taron, shugaban NAHCON ya ce ya yanke shawarar ziyartar malamin da kungiyar musulmi ne domin neman goyon bayansu da hadin kai a kokarin da hukumar ke yi na yi wa al’ummar kasa hidima musamman mahajjata.

A sanarwar da Mataimakin daraktan yada labarai da dab'i na Hukumar, Mousa Ubandawaki ya sanyawa hannu, Shugabn a  cewarsa, ya zama wajibi shugabannin musulmi su tashi tsaye wajen wayar da kan alhazai a wani bangare na ayyukansu na mishan kamar yadda Allah Madaukakin Sarki ya yi umarni da su. “Na zo nan ne domin in tunatar da malamanmu da shuwagabanninmu ayyukansu na addini da su taimaka wajen ilimantar da al’ummarmu, ba za mu iya yin watsi da muhimmiyar rawar da suke takawa a harkokin musulmi ba,” inji shi.

Don haka Malam Arabi ya tabbatar wa da masu masaukin bakinsa cewa ba zai bar wani abu ba wajen kawo gyare-gyare a wasu wuraren da suka dace a gudanar da aikin Hajji, ya kuma sha alwashin ci gaba da ginawa a bisa gadar da iyayen da suka kafa hukumar suka shimfida domin ganin alhazai sun samu kimar kudi wajen hidima. bayarwa.

“A matsayinmu na ’yan canji, muna son ku hada hannu da mu domin mu samu nasara, domin mu faranta wa shugaban kasa rai, da ma al’ummar Musulmin Najeriya da suka yi masa taro da farin ciki, tare kuma za mu samu sabon fata. na shugaban kasa," in ji shi.

Shugaban Hukumar NAHCON, wanda ya samu tarba daga jagorancin kungiyar Ansarul Deen Society Worldwide a karkashin jagorancin Shugaban kungiyar AARE (DR) Abdul Rafiu Ademola Sanni a hedikwatar Surulere, ya bayyana jin dadinsa ga shugaban NAHCON bisa ziyarar da ya kai, ya kuma ba da tabbacin kungiyar za ta ba su goyon baya. hadin gwiwa don tabbatar da cewa aikin Hajjin 2024 ya yi nasara ba tare da cikas ba. Ya bayyana cewa al’umma za su ci gaba da wayar da kan alhazai tare da karfafa musu gwiwa kan bukatar biyan kudadensu kan lokaci domin baiwa hukumar damar tsara shirye-shiryenta.

Hakazalika hukumar ta NAHCON ta kai irin wannan ziyarar ga kungiyar Nasirullahi Fathi (NASFAT) a masallacin sakatariyar jihar Legas dake Alausa, inda ya kara jaddada bukatar kungiyar ta hada kai da hukumar wajen gudanar da aikin Hajjin 2024 cikin nasara.

Idan dai za a iya tunawa, Shugaban Hukumar NAHCON, a lokacin da ya fara aiki, ya kai irin wannan ziyarar ga wasu Malaman addinin Musulunci da shugabannin yankin Arewa, tare da karbar bayanai daga manyan jami’an gudanarwa na hukumar domin samar da wata sabuwar hanya da dabaru don ganin an samu nasarar aikin Hajji. a shekarar 2024.

A wani labarin kuma, Hukumar ta shirya ganawa da shuwagabannin hukumar kula da jin dadin alhazai da hukumar jin dadin alhazai ta jiha a dakin taro na gidan alhazai dake Abuja a yau Talata 31 ga watan Oktoba 2023 da karfe 11:00 na safe. tare da manufar karfafa alakar da ke tsakanin su da kuma nemo mafi kyawun hanyoyin samun nasarar aikin Hajji na 2024.

Gwamna Abba Kabir Yusuf Ya Gabatar Da Kasafin Kudi Na 2024 Ga Majalisar Dokoki Ta Jahar Kano

Gwamnan Jihar Kano Abba Kabir Yusuf ya gabatarwa majalisar dokokin jihar daftarin kasafin kudin shekara ta 2024, wanda ya kai Naira Biliyan 350.

Kadaura24 ta rawaito Gwamnan ya gabatar da kasafin ne yau juma’a, Inda yace kasafin kudin na shekara mai zuwa ya Kai Naira Biliyan 350, da Miliyan 250 da dubu dari 320 da Naira dari 798.

Yace manyan aiyuka an ware musu Naira Biliyan 215 da Miliyan 822 da dubu 194 da Naira 821, yayin da aiyukan yau da kullum aka ware musu Naira Biliyan 134 da Miliyan 428 da dubu 125 da Naira 977 a kasafin kudin shekara mai zuwa.

Kasafin kudin an yi masa take da ” Kasafi na Farfado da cigaba”.

Gwamnan Abba Kabir yace Ilimi shi ne ya Sami kaso mafi tsoka a cikin kasafin Inda aka kebe masa Naira Biliyan 95 da Miliyan 389 da dubu 577 da Naira 399.

Ga yadda aka ware kudaden sauran bangarorin:

1. Lafiya: Biliyan N51.4

2. Aiyukan raya kasa: Biliyan N40.4

3. Noma: Biliyan N11

4. Shari’a: Biliyan N11

5. Ruwa : Biliyan N13.4

6. Mata da matasa : Biliyan N8.9

Da dai sauransu.

Adadin Mutanen Da Suka Rasa Muhalli A Sassan Duniya Ya Zarta Miliyan 114 — MDD

Majalisar Dinkin Duniya ta bayyana cewa, adadin mutanen da suka rasa muhallansu a sassan duniya ya zarta miliyan 114, adadi mafi girma da majalisar ta tattara a tarihi.

Babbar matsalar da ta raba mutanen da gidajensu a watanni shida na farkon wannan shekara ta 2023, ita ce tashe-tashen hankulan da ake fama da su a Ukraine da Sudan da Somalia da Myanmar da Jamhuriyar Dimokuradiyar Congo har ma da rikici a Afghanistan.

Majalisar Amurka ta yi fatali da ƙudirin janye dakarun ƙasar daga Nijar

Yawan Falasdinawan da Isra’ila ta kashe a Zirin Gaza sun haura 7,000

Kazalika ibtila’o’in da aka samu na fari da ambaliyar ruwa da rashin tsaro sun taimaka wajen raba mutanen da gidajensu kamar yadda Hukumar Kula da ‘Yan Gudun Hijra ta Majalisar Dinkin Duniya (UNHCR) ta bayyana.

Sanarwar UNHCR ta ce, yanzu haka hankalin duniya ya karkakata ne kan yakin da ake fama da shi a Zirin Gaza wanda ya cika da dimbin fararen hula, amma fa akwai rikice-rikice da dama da ke ci gaba da ta’azzara tare da raba mutane da muhallansu a sassan duniya.

Shugaban hukumar, Filippo Grandi ya zargi kasashen duniya da gazawa wajen magance tashe-tashen hankula da dama, yana mai bukatar samar da hadin kai don kawo karshen matsalar ta raba mutane da muhallansu tare da komar da su gida.

Grandi ya kuma ce, wani kaso na adadin mutane da suka rasa muhalli sun tsere daga gidajensu ne sakamakon matsalar take hakkin dan Adam da ake fama da ita a wasu sassan.

“Gazawar al’ummomin duniya wajen magance rikice-rikice ko hana aukuwar sabbi shi ne musabbabin rasa muhalli da kuma kara jefa wadanda lamarin ya shafe cikin zullumi.

“Dole ne mu yi wa kanmu karatun ta nutsu, mu yi aiki tare don kawo karshen rikice-rikice, wanda hakan zai bai ’yan gudun hijira da sauran mutanen da suka rasa matsugunansu su koma gida ko kuma su sake gina matsugunansu,” in ji Grandi.

Ya zuwa watan Yuni, adadin mutanen da aka tilastawa gudun hijira a duniya ya kai miliyan 110, wanda wannan wani kari ne kan mutum miliyan 1.6 da suka tsere daga muhallinsu a rahoton da aka fitar a karshen shekarar 2022.

Haka kuma, a tsakanin watan Yuni zuwa karshen watan Satumba, an kiyasta karin wasu miliyan hudu da aka tilastawa gudun hijira, wanda ya kawo adadin zuwa miliyan 114.

Rahoton na UNHCR bai kunshi alkaluman rikicin Isra’ila da Falasdinu ba wanda ya barke a ranar 7 ga Oktoba ba.

(AMINIYA)

MARTANI GA MAWAKI DAUDA RARARA - Bashir Ahmad

Na kalli wani bangare na videon da yake yawo na taron manema labarai da mawaki Dauda Kahutu Rarara ya gabatar a yau, musamman bangarorin da ya ci wa tsohon Shugaban Kasa, Muhammadu Buhari mutunci tare da zargin cewa sai da ya rusa kasar baki daya kafin ya bar mulki. 

Bayan kammala kallon video na yi yunkurin bawa Rarara amsa daya bayan daya ga duk wadannan zarge - zargen da yayi, sai dai daga bisani da na sake yin nazari a tsanake sai na ga babu bukatar hakan a halkance da kuma mutunce, saboda wasu dalilai kwarara guda biyu.

Na farko, cikin videon, Rarara yayi ikirarin cewa wai gudunmawar daya bayar a tafiyar Buhari ko shi Buharin bai bawa kan sa irin wannnan gudunmawa ba. IKON ALLAH. Don Allah akwai hankali a cikin wannan magana? 

Sai dalili na biyu, inda yake cewa a wannan gwamnatin ta Shugaba Tinubu idan har ba a bashi mukamin minista ba, to ya kamata a ce an kira shi an zauna da shi an zabi wadanda za a bawa mukaman na ministoci. TASHIN HANKALI. Ko akwai chemistry, balle technology a cikin wannan batu? 

To gaskiya wanda maganganu da suka fita daga bakin mawakin ya sa na ga cewa tsayawa a bashi amsa a matakin hankali ma bata lokaci ne, domin kuwa wadannan maganganun na sa sun saba da kowane irin hankali da tunani, idan dai ba akwai rashin lafiya ba, to lalle akwai tsantsar jahilci. Babu hikima a cikin maganganun nasa ko kadan.

A kuma maganar da Rararan yayi da cewa wai a cikin shekaru bakwai na Baba Buhari ba a iya bin hanyar Abuja zuwa Kaduna, a zahirin gaskiya ba zan ce ba a samu matsalolin tsaro a hanyar ba, sai dai zan dan yi masa tuni da ya tuna baya a lokacin da Baba Buharin ya karbi mulki, ba ma maganar kidnapping ake yi a hanyar ba, Saboda matsalar da Boko Haram ta jefa yankin Arewa daga Abuja zuwa Kaduna sai an ci karo da shingen jami’an tsaro sama da goma, ba ma maganar daga Kaduna zuwa Kano ba, balle uwa uba, daga Kano zuwa Maiduguri. Duk wanda yake da hankali zai godewa Allah akan wannan.

Game da wakokin da yayi wa Baba Buhari, tunda Rarara yake yi masa waka, bai taba yi masa waka kyauta ba tare da an biya shi hakkin sa ba. 

A karshen magana daya da Rarara ya manta bai fada ba ita ce bai fito ya bayyanawa jama’a cewa Baba Buhari bai taimakon sa ba a rayuwarsa.

Karin ayyukan alheri na nan tafe ga al'ummar Kano -- Gwamna Abba K. Yusuf

Gwamnan jihar Kano Alhaji Abba Kabir Yusuf ya jaddada aniyar gwamnatinsa na ci gaba da gudanar da ayyuka da shirye-shiryen da za su inganta rayuwar al’ummar jihar.

Da yake jawabi a lokacin da yake duba ayyukan ofishin sa a cikin makonni 3 da suka gabata a yayin da aka fara taron majalisar zartarwa ta jiha karo na 7 a gidan gwamnati da ke Kano, gwamnan ya ce an fara gudanar da ayyukan alheri da dama.

A sanarwar da babban sakataren yada labaran Gwamnan, Sunusi Bature Dawakin Tofa ya sanyawa hannu, Gwamnan ya bayyana cewa, a cikin wannan lokaci da gwamnatin ta yi nasarar kaddamar da rabon kayan abinci da suka hada da Shinkafa da Masara a sassan jihar 484.

Ya kuma bayyana cewa gwamnati ta kuma kaddamar da rabon kayayyakin koyo da koyarwa, Uniform da jakunkuna/Takalmi, baya ga kaddamar da shirin jigilar dalibai karo na 1 da gwamnati ta dauki nauyin bayar da tallafin karatu a kasashen waje a MAKIA.

"Bach na biyu na jigilar daliban da za su je Indiya za a ci gaba da jigilar su ranar Juma'a yayin da wadanda za su je Uganda za a kai su ranar Lahadi," in ji gwamnan.

Hakazalika a cewarsa, gwamnati ta yi nasarar kaddamar da auren ma’aurata 1800 mai suna (Auren Gata) tare da bayar da tallafin kayayyakin daki, kayan abinci, tallafin kudi da sauran kayayyaki ga kowanne daga cikin ma’auratan da nufin tallafa musu.

Alhaji Kabir Yusuf wanda ya bayyana jin dadinsa ga al’ummar jihar bisa goyon baya da addu’o’i, ya kuma yabawa ‘yan jarida bisa goyon bayan da suke baiwa gwamnatinsa, tare da fatan ganin an dore.

Kungiyar Jarawa Ta Karrama Sakataren Hukumar Alhazai Ta Bauchi

Kungiyar hadin guiwa ta Jarawa ta karrama babban sakataren hukumar jin dadin alhazai ta jihar Bauchi Imam Abdurrahman Ibrahim Idris a matsayin babban sakataren zartarwa na jihar Bauchi.

Da take mika lambar yabo ga babban sakatariyar hukumar a jiya a dakin taro na hukumar, shugabar kungiyar Hajia Aishatu Adamu ta ce an karramawar ne saboda gudunmuwar da ya bayar na ganin gwamnatin Gwamna Bala Abdulkadir ta yi niyya wajen samar da ayyukan jin kai ga jihar. Mahajjata suna samun nasara ta hanyar hidimarsa mai himma.

A sanarwar da Jami'in hulda da jama'a na hukumar, Muhammad Sani Yunusa, Hajiya A’ishatu ta lura cewa Imam Abdurrahman ya gabatar da shirye-shirye da tsare-tsare da tsare-tsare da dama wadanda suka yi tasiri ga rayuwar alhazan jihar yayin gudanar da aikin hajji.

Ta kuma bukaci sakatariyar zartaswa da kada ta yi kasa a gwiwa wajen marawa Gwamna baya don kai wa ‘yan Bauchi ayyuka.

Da yake karbar lambar yabo Imam Abdurrahman Ibrahim Idris ya godewa kungiyar bisa samunsa da ya cancanci karramawar da aka yi masa.

Ya kuma bayyana karramawar a matsayin kara inganta tarbiyya tare da kara tabbatar da karramawar da aka yi masa da sauran kyaututtukan da ya samu a matsayin shaida na jajircewar gwamnatin Gwamna Bala Abdulkadir Muhammad wajen kyautata jin dadin alhazan jihar a yayin gudanar da aikin Hajji.

Imam Abdurrahman ya yabawa kungiyar bisa inganta ayyukan Gwamna, ya kuma bayyana shirin tallafa musu domin cimma manufofinsu.

Hajj 2024: NAHCON Ta Baiwa Hukumomin Alhazai Na Jihohi Wa'adin Sanya Kudaden Maniyyatansu

Hukumar Alhazai ta Najeriya NAHCON, ta yi kira ga Jihohin kasar da su gaggauta fitar da kaso mai tsoka na kudaden da suka dace domin samun gurbin da aka ware wa Jihohinsu.

 

A wata wasika da daraktan kudi da asusu Dr. Salihu ya aikewa shugabannin hukumomin jin dadin alhazai da hukumomi da kwamitocin jiha. A. Usman ya bayyana cewa kiran ya zama wajibi bisa la'akari da wa'adin da Ma'aikatar Hajji da Umrah ta Saudiyya ta fitar wanda ya wajabta wa duk wani mai niyyar zuwa aikin Hajji na 2024 ya fitar da kudadensa kafin wani lokaci.

 

A cewarsa, rashin bin umarnin za a fassara shi da cewa ba shi da shiri ko kuma ba shi da sha’awar shiga aikin Hajji na 2024.

 

Ya kuma bayyana cewa rashin bin wannan umarni zai bar Hukumar ba ta da wata hanya ko zabi illa rage rabon irin wadannan Jihohin da kuma raba wa Jihohin da suka kammala turawa da kuma bukatar karin gurbi.

 

Ya yi nuni da cewa yana da matukar muhimmanci a samar da isassun kudade na asusun IBAN na Hukumar nan da watan Disamba domin hukumar ta biya kudin gudanar da wasu ayyuka a Masarautar.

 

Wasikar tana dauke da cewa: Kudaden aikin Hajji na 2024 “An umurce ni da in sanar da ku cewa, la’akari da sabbin lokutan da hukumomin Saudiyya suka tsara don gudanar da ayyukan Hajji na 2024, ana kira gare ku da ku gaggauta fitar da kaso mai ma’ana na kudaden da za a raba wa jihohin ku.”

"Rashin yin haka za a fassara shi a matsayin rashin shiri daga bangaren ku kuma zai bar Hukumar ba tare da wani zabi ba face ta rage kason ku da kuma kara wa jihohin da aka shirya yadda ya dace don saduwa da kwanan wata kuma a ƙarshe sauƙaƙe motsa jiki ba tare da matsala ba."

 

Don haka ya yi kira da a ci gaba da ba su hadin kai da fahimtar juna domin hada kai wajen ganin an cika wa’adin da kuma gudanar da aikin Hajji na shekarar 2024 mai cike da cikas. "Yayin da na gode muku don ci gaba da fahimtar ku, da fatan za ku karɓi gaisuwa mai kyau ga Ag. Shugaba / Shugaba." Wasikar ta ƙare.

 

 

 

Na kai Ziyara Ga Malaman Addinin Musulinci Ne Domin Karfafa Dangantaka Da Masu Ruwa Da Tsaki - Shugaban NAHCON

Mai rikon Shugabancin Hukumar Hajji ta Kasa (NAHCON), Malam Jalal Ahmad Arabi, OON, FNC ya bayyana cewa ziyarar da ya kai ga fitattun shugabanni da malaman addinin Musulunci na daga cikin shirin tuntubar juna domin karfafa kokarin hukumar wajen samun nasara baki daya. kawai a lokacin Hajjin 2024 amma bayan haka.

A cewarsa, samun nasarar aikin Hajji wani nauyi ne na hadin gwiwa don haka duk mai ruwa da tsaki a harkokin aikin Hajji dole ne a ci gaba da gudanar da aiki tare domin samun nasara.

A sanarwar da Mataimakin daraktan hulda da jama'a da Dab'i, Mousa Ubandawaki ya sanyawa hannu, ya bayyana cewa ba za a iya karasa rawar da shugabannin Musulunci ke takawa ba domin suna taka muhimmiyar rawa wajen samun nasara ko akasin haka a kasar nan. Don haka ya nemi goyon bayansu da ba da hadin kai wajen ganin an cimma manufar inganta ayyukan alhazan Najeriya. "Za a iya samun nasara ta hanyar tuntuba da aiki tare", in ji shi. Ku tuna cewa Shugaban/Shugaban ya yi alkawarin shiga tare da tuntubar masu ruwa da tsaki a harkar don samun nasara.

A wani bangare na tuntubar juna, shugaban ya ziyarci shugabannin ruhin Darikar Qadriyyah, Maulana Sheikh Qaribullahi Nasiru Kabara dake Kano, Maulana Sheikh Dahiru Usman Bauchi, shugaban darikar Tijjaniyya a Bauchi, shugaban JIBWIS, Dr. Abdullahi Bala Lau da Sheikh Muhammadu Sani Yahaya Jingir (JIBWIS) a Abuja da hedikwatar Jos, bi da bi.

A jawabansu daban-daban, shugabannin addinin Musulunci sun tabbatar da goyon bayansu ga sabbin shugabannin Hukumar tare da yin alkawarin yin amfani da iliminsu da kwarewarsu da gogewarsu wajen taimakawa sabon shugaban hukumar wajen cimma burin gudanar da ayyukan Hajji a jere.

Sun kuma nuna jin dadinsu ga sabon Shugaban / Shugaba bisa wannan ziyarar.

Shugaban/Shugaban ya samu rakiyar tsohon ministan babban birnin tarayya Abuja kuma mai baiwa shugaban kasa shawara kan ayyuka na kasa Dr. Aliyu Mobbo, da tsohon shugaban hukumar NAHCON, Barista Abdullahi Muhammad Mukhtar, babban mataimaki na musamman ga shugaban kasa. a kan Kafafen Yada Labarai, Malam Abdulaziz Abdulaziz da wasu na musamman mataimakan shugaba/CEO.

Mun Dakile Yunkurin Bazoum Na Tserewa Daga Nijar Zuwa Najeriya - Sojoji

Gwamnatin mulkin sojin Nijar ta sanar da daƙile wani yunƙurin hamɓararren Shugaban ƙasar Mohamed Bazoum na tserewa tare da iyalinsa.

Kakakin gwamnatin sojin Nijar, Kanar-Manjo Amadou Abdramane, wanda ya bayyana hakan cikin jawabin da ya yi wa jama’ar ƙasar ta Talabijin, ya ce Bazoum da iyalinsa sun tsara guduwa daga Fadar Shugaban ƙasar ne da misalin ƙarfe uku na dare.

Martanin tubabbun ’yan Boko Haram kan tuban muzuru

Kamfanin Nokia zai sallami ma’aikata 14,000 saboda rashin ciniki

Ya ce Mohamed Bazoum ya yi kokarin tserewa da karfe 3 na safiyar ranar Alhamis tare da iyalansa masu dafa masu abinci 2 da kuma jami’an tsaro guda biyu.

Sai dai a cewar sojojin, wannan yunƙurin da bai kai ga ci ba, na cikin wani tsari da aka shirya da kuma sojojin suka ce suke bi sau da kafa.

Kanar-Manjo Amadou Abdramane ya ce “matakin farko na wannan shiri shi ne na su fice daga cikin fadar zuwa kewayen wurin inda wata mota ke jiransu daga nan ne za a dauke su zuwa wani gida da ke cikin unguwar Tchangarey.

“Sannan daga nan kuma a nufi wani wuri inda wasu jirage biyu masu saukar ungulu na wata kasa da sanarwar ba ta bayyana ba za su kai su Birnin Kebbi da ke Najeriya.’’

Sanarwar sojojin ta kuma jinjina wa sojojin da hazakarsu da kuma himmar su ta ba da damar dakile wannan yunkurin tare da kare rayuka.

Ana tsare da Bazoum da matarsa da kuma ɗansa ne tun bayan da sojoji suka yi wa gwamnatinsa juyin mulki a cikin watan Yuli.

Tun bayan juyin mulkin ne aka raba gari tsakanin kasar ta Nijar da uwargijiyarta Faransa ta hanyar korar jakadanta da kuma sojojinta 1500 da ke yaki da kungiyoyin masu da’awar jihadi a yankin Sahel musaman a yankin iyakoki 3.

Aminiya ta ruwaito cewa, a ranar 24 ga watan Satumba Shugaba Emmanuel Macron ya ce Faransa za ta kwashe dukkan dakarunta da jakadanta da ke Nijar nan da karshen shekarar 2023.

Wannan na zuwa ne bayan Jakada Sylvain Itte ya fice daga kasar wata guda bayan sojojin da suka kifar da gwamnatin Mohamed Bazoum sun ba shi wa’adin awa 48 ya bar kasar bayan “ya ki amsa gayyatar ma’aikatar harkokin waje don halartar taron” da aka gayyace shi da kuma “wasu matakai da Faransa ta dauka da suka ci karo da muradan Nijar.”

Nijar dai na daya daga cikin kawayen kasashen yammacin duniya a yankin Sahel da suke yaki da kungiyoyin masu dauke da makamai masu alaka da Al-Qaeda da IS.

A kan haka ne kungiyoyin yammacin Afrika irin su ECOWAS da UEMOA suka kakabawa kasar takunkumi domin tilastawa sojojin mayar da hambararren shugaban kasar Mohamed Bazoum.