Ƙungiyar ɗaliban makarantar FGC ta Kano sun kai ƙara gurin Tinubu bisa zargin yunƙurin wawashe filin makarantar

By Nura Ahmad
Kungiyar tsoffin daliban makarantar FGC ta Kano, mai suna FGCKOSA ta aike da ƙorafi ga shugaban ƙasa, Bola Ahmed Tinubu bisa abinda ta kira da wawashe katafaren filin makarantar. 

Daily Nigerian Hausa ta gano cewa ma'aikatar ilimi ta ƙasa da haɗin gwiwar wani kamfani, Pluck Global Company Ltd. sun kulla yarjejeniyar yanka wa da yin gine-gine a filin, wanda a ke sa ran gobe Litinin za a ƙaddamar da aikin a harabar makarantar .

Takardar korafin ta samu saka hannu na haɗin gwiwa da shugaban ƙungiyar na duniya, Shoyinka Shodunke da kuma wasu shahararrun mambobin ta da su ka haɗa da Sheikh Bashir Umar Aliyu, shugaban majalisar ƙoli ta shari'a ta kasa da Sheikh Rabiu Ishyaku Rabiu, shugaban rukunin kamfanin IRS.

Sauran da su ka rattaba hannu a takardar korafin sun haɗa da Engr. Suleiman Adamu, Galadiman Kazure, ⁠Alhaji Nasser Ahmed Dan Darman Lokoja da kuma ⁠Abdul Samaad Rabiu, shugaban rukunin kamfanonin BUA.

An kuma aike kwafin ta ga shugaban majalisar dattawa, shugaban majalisar wakilai da ministan ilimi da ƙaramin ministan ilimi da hukumomin ICRC, EFCC da ICPC, ƙungiyar ta ce sam ba za ta saɓu ba bindiga a ruwa.

A cewar Shokunde, ƙungiyar ta samu labarin cewa ana kokarin handame filin wanda ya ƙunshi filayen wasanni da masallaci da sauran gine-gine masu muhimmanci a makarantar. 

Ya kara da cewa ana shirin karbe filin makarantar ba tare da wata tuntuba ba, inda ya ce kamata ya yi ma a karawa FGC din girma na wai a rika rage ta na.

A cewar sa, FGCKOSA ta shafe sama da shekaru 30 tana kashe biliyoyin naira wajen cigaban makarantar ba tare da sa ran samun wata riba ta kuɗi ba. 

"Har wata gidauniya muka bude mai suna FGCKOSA Foundation ba dan komai ba sai dan mu taimaka wajen cigaban FGC. 

" A yanzu haka muna shirin sake tara biliyoyin naira domin mun cigaba da dorar da kokarin cigaban FGC, amma sai gashi mun samu wani mummunan labari.

"To ba za mu yarda da wannan ba. Za mu yi duk me yuwuwa mu dakile wannan yunkuri," in ji Shokunde.

A karon gayyatar zuwa bikin ƙaddamar da aikin a filin da Daily Nigerian Hausa ta samu kwafi, Gwamnan jihar Kano, Abba Kabir Yusuf ne babban bako a taron, sai kuma Kwamishinan Ƙasa, Abduljabbar Garko a matsayin babban mai jawabi sai kuma dattijon jam'iyyar APC na ƙasa, Mohammed Jamu Yusuf a matsayin mai jawabi ma biyu.

Popular posts from this blog

Yanzu - Yanzu: Bankuna Zasu Karbi Tsofaffin Kudi Ko da Bayan Karewar Wa'adi - Emefiele

By Nura Ahmad
Image
Gwamnan Babban Bankin Najeriya, Godwin Emefiele, ya ce Bankuna za su ci gaba da karbar tsoffin takardun kudi na Naira ko da bayan wa’adin musaya da sabbin takardun kudin da aka zayyana. Idan dai za a iya tunawa, a kwanakin baya ne babban bankin ya kara wa’adin canza shekar kudi naira 1,000 da naira 500 da kuma N200, biyo bayan korafin ‘yan Najeriya. Sai dai a yayin da shugaban na CBN ya bayyana a gaban kwamitin majalisar wakilai kan sabon tsarin sauya fasalin Naira da kuma canjin naira a ranar Talata, shugaban na CBN ya ce har yanzu bankuna za su karbi tsoffin takardun bayan wa’adin. Emefiele ya ce idan aka yi la’akari da sashe na 20, karamin sashe na 3 na dokar CBN ta shekarar 2007, ko da tsofaffin kudaden sun rasa matsayinsu na neman kudi, CBN za ta ci gaba da karbar tsofaffin takardun kudi. Mista Emefiele ya ce dole ne bankunan kasuwanci su karbi kudin ko da bayan wa'adin 10 ga watan Fabrairu (SOLACEBASE) 
Read more

Zababben Gwamnan Kano Ya Kafa Kwamitin Karbar Mulki

By Nura Ahmad
Image
Zababben Gwamnan Jihar Kano Ya Sanar Da Kwamitin Karbar Mulki …… Dr. Baffa Bichi, Abdullahi Musa ya nada a matsayin Shugaba da Sakatare Bayan gabatar da takardar shaidar cin zabe da hukumar zabe mai zaman kanta ta kasa INEC ta gabatar, zababben gwamnan jihar Kano Engr. Abba Kabir Yusuf (Abba Gida Gida) ya kaddamar da kwamitin sa na mika mulki a shekarar 2023. A wata sanarwa da Sanusi Bature Dawakin Tofa, babban sakataren yada labarai na zababben gwamnan ya fitar, tsohon babban sakataren hukumar kula da manyan makarantu (TETFUND)  dan takarar Sanatan Kano ta Arewa a NNPP Dr. Abdullahi Baffa Bichi ya bayyana a matsayin shugaba na kwamitin mika mulki na Gwamna (GTC), yayin da babban sakataren dindindin, Abdullahi Musa mai ritaya a matsayin sakatare. Kwamitin rikon kwarya zai gudanar da ayyukan mika mulki cikin tsari daga gwamnatin Ganduje mai barin gado zuwa gwamnatin Abba Gida Gida mai jiran gado. Mai girma Gwamnan Jihar Kano mai jiran gado zai kaddamar da kwamitin a ranar Asabar 1 g...
Read more