Hukumar yaki da cin hanci da rashawa ta Kano ta bankado batan N4.3bn a KASCO, ta kama mutane 8 da ake zargi

Hukumar Korafe-korafe da Yaki da Cin Hanci da Rashawa ta Jihar Kano, PCACC, ta ce ta fara bincike kan bacewar wasu kudaden gwamnati daga kamfanin samar da noma na Kano, KASCO da suka haura Naira biliyan hudu.

Shugaban hukumar yaki da cin hanci da rashawa, Muhyi Rimin-Gado ya bayyana haka a lokacin da ya jagoranci wani rangadin bincike zuwa wasu rumbunan adana motoci da manyan taraktoci, wadanda ake kyautata zaton an sayo kudaden da suka bata ne a karamar hukumar Kumbotso. jihar a ranar Asabar.

Da yake yiwa manema labarai jawabi bayan kammala rangadin, Mista Rimin-Gado ya ce an karkatar da kudaden ne daga KASCO zuwa wata kungiya mai rijista da Hukumar Kula da Kamfanoni, mai suna Association of Friends.

“Muna nan a ziyarar gani da ido na wani bincike da ake yi wanda ya kai ga bacewar asusun kamfanin samar da noma na Kano, KASCO, wanda ya kai N4,302,290,742 a tsakanin watanni shida, daga ranar 19 ga Agusta, 2022 zuwa 3 ga Afrilu, 2023.

“An ciro wannan kudi ne daga asusun gwamnatin jihar Kano daga ranar 1 zuwa 20 ga watan Oktoba. Jimillar kudi naira miliyan 3,257,600,000 aka zayyana a matsayin tallafi ga hukumar KASCO.

“Amma, bayanan hukumarmu sun nuna cewa an yi amfani da kudin ne ta hanyar amfani da wani kamfani, wanda aka fi sani da Association of Compassionate Friends. Wannan haɗin gwiwa ne mai rijista da Hukumar Harkokin Kasuwanci a cikin 2019 tare da takardar shaidar 30904

“An yi wa kungiyar rijista ne domin ingantawa da kuma kula da rayuwar ‘ya’yan marasa galihu a cikin al’umma, amma abin takaici sai aka mayar da ita wata na’ura don sace kudaden jama’a,” inji shi.

Mista Rimin-Gado ya bayyana cewa, an kuma karkatar da wani bangare na kudaden ga wani kamfani mai suna Limestone, mai rijista da sunan kasuwanci a CAC.

Ya kuma bayyana cewa hukumar ta kama mutane takwas da ake zargi, inda ya kara da cewa “suna bayyana sahihan bayanai ga hukumar. Daya daga cikinsu ya ce an ba shi wasu kudi ne domin ya yi karya a KASCO, amma ya ajiye kudin a gefe ya jira wani lokaci kamar haka ya mayar da kudin.”

"Ya zuwa yanzu mun kwato Naira miliyan 15 kuma mun yi nasarar toshe kusan Naira miliyan 80."

Mista Rimin-Gado ya ce hukumar ba ta gamsu da yadda ake gudanar da wasu hada-hadar kasuwanci tsakanin kamfanoni da wasu bankuna ba, yana mai jaddada cewa za a iya gayyatar wasu manajojin bankuna don warware wasu batutuwa.

Ya kara da cewa hukumar za ta mika karar zuwa kotun da ta dace.

irman ya yi kira ga al’umma, musamman ma’aikatan gwamnati da su rika tura sahihan bayanan da za su kai ga kwato kudade da kadarorin gwamnati da aka sace, tare da ba su tabbacin tsaron lafiyarsu.

(Biz point) 

Juyin Mulkin Nijar: Ministan Bazoum Ya Nada Kansa Shugaban Gwamnati

Minitsan harkokin wajen Jamhuriyyar Nijar, Hassoumi Massoudou ya ayyana kansa a matsayin Shugaban Gwamnati, yana mai kira ga al’ummar kasar su murkushe juyin mulkin da sojoji suka yi wa Shugaba Mohammed Bazoum. Kawo yanzu dai ba a san hanlin da Mista Bazoum yake ciki ba a hannun masu juyin mulkin. Amma wani sako da aka wallafa ta shafinsa na Twitter a safiyar Alhamis ya ce, “za a kare nasarar da ya samu” kuma al’ummar kasar ne za su tabbatar da hakan. Zargin kashe madugun juyin mulki? Wasu rahotanni daga kasar kuma na cewa sojojin sun kashe wanda ya jagorance su wajen yin juyin mulkin, Abdulrahman Chani. Shugaban gidan rediyon Amfani FM da ke birnin Yamai na kasar, Issoufu Mammane, ya shaida wa Aminiya cewa ana zargin an harbe shi har lahira ne a yayin takaddama kan wanda zai jagoranci gwamnatin sojin, wadda yake neman nada kansa. “A yayin jayayya saboda ya ce shi zai dauki mulki, su kuma sauran sojojin suka ce ba shi zai dauka ba ga wanda za ya dauka (Salifou Modi)… suna wannan jayayya ne wani ya ciro bindiga ya harbe shi,” a cewar Malam Issoufu Mammane. Kawo yanzu dai Aminiya ba ta iya tabbatar da faruwar hakan ba. Har yanzu dai masu juyin mulkin ba su sanar da sunan wanda zai jagoranci gwamnatin da suka kafa ba, wanda hakan ya sa ake ta hasashe. Bayan tabbatar da kifar da gwamnatin Bazoum, kakakin sojojin, Kanar Manjo Ahmadou Abdrahamane, ya kuma sanar da rufe duk iyakokin kasar da kuma hana zirga-zirga a cikin kasar daga karfe 10 na dare zuwa 7 na safe. Sojojin sun sauke daukacin ministoci daga mukamansu, don haka manyan sakataron ma’aikatun ne za su ci gaba da gudanar da su. Kannar Manjo Ahmadou Abdrahamane, ya kuma bukaci kasashen waje da kada su tsoma bakinsu a cikin wannan al’amuri na cikin gidan kasar Nijar. A cewarsa, sojojin sun kifar da gwamantin Bazoum ne saboda matsalar tsaro da karancin ababen more rayuwa da kuma koma-bayan tattalin da suka addabi kasar. A wane hali Bazoum yake? Sai dai kuma a hannu guda, minitsan harkokin waje na kasar, Hassoumi Massoudou ya ayyana kansa a matsayin Shugaban Gwamnatin kasar, yana mai kira ga al’ummar kasar da su kawo karshen juyin mulkin da sojojin kasar suka yi wa Shugaba Mohammed Bazoum. Amma kawo yanzu dai babu wani bayani game da halin da Mohamed Bazoum yake ciki a hannun sojojin da ke tsare da shi ba. Hakazalika babu bayani game da ko ya amince ya ajiye mukaminsa, ballantana na makomarsa. Yuyin mulki a yankin Sahel Yanzu Nijar ta zama kasa ta hudu a fadin yankin Sahel — wadandan dukkansu rainon Farasan ne — da baya-bayan nan sojoji suka yi juyin mulki. Kasashen Sahel da ke yankin Afirka ta Yamma (Burkina Faso, Mali, Chadi Kamaru da Nijar) masu makwabtaka da Najeriya na fama da matsalar ta’addanci da na tattalin arziki. Nijar, daya daga cikin kasashe matalauta a Afirka, na fama da matsalar masu ikirarin jihadi nau’i biyu a yankin Kudancin kasar. Yakin Kudu maso Gabas na fama da ta’addancin Boko Haram da ISWAP da ta gangaro daga Arewa maso Gabashin Najeriya. A yankin Kudu maso Yamma kuma matsalar ta gangaro ne daga kasar Mali tun shekarar 2015. Kasashe biyar na yankin (Nijar, Chadi, Mali, Burkina Faso, Mauritaniya) da Najeriya sun kafa kungiyar G5 Sahel domin yakar ta’addanci, a yayin da suke fama da masu da’awar jihadi, kamar yadda Najeriya ke fama da Boko Haram da ISWAP a yankin Arewa maso Gabas. Tuni dai Majalisar Dinkin Duniya da Fadar White House ta Amurka da Tarayyar Turai da kasar Faransa, wadda ta raini Jamhuriyar Nijar suka la’anci abin da sojojin na Nijar suka yi. Ba za mu lamunci juyin mulki ba — ECOWAS Kungiyar raya tattalin arzikin Yammacin Afirka (ECOWAS), wadda Shugaba Bola Ahmed Tinubu na Najeriya yake jagoranta ta ce ba za ta lamunci karin juyin mulki a Nijar ko wata kasa a yankin ba. Tuni ECOWAS ta tura tawaga ta musamman karkashin Shugaba Patrice Talon na Jamhuriyar Benin domin shiga tsakani. A ranar Alhamis ake sa ran tawagar ta ECOWAS za ta gana da bangaororin bangarorin biyu da nufin sasanta rikicin. Juyin mulki a Nijar Baya ga yunkuri da aka yi a lokuta daban-daban na kifar da gwamnati kasar, wannan shi ne karo na hudu da aka yi juyin mulki a Nijar tun bayan samun ’yancin kanta a shekarar 1960. Yunkurin juyin mulki na karshe a kasar shi ne wanda aka yi a jajibirin rantsar da Mista Bazoum a shekarar 2021. Shugaba Bazoum wanda amini ne na kut da kut da Faransa, an zabe shi ne a shekarar 2021 domin jagorantar kasar da ke fama da talauci, yayin da take da tarihin samun rashin zaman lafiya.

Gwamnatin Tarayya ta ce daga watan Satumbar wannan shekara za ta fara ba wa dalibai rance-Mashawarcin Shugaban

Mashawarcin Shugaban Kasa kan Ayyuka na Musamman, Dele Alake, ya kara da cewa gwamnati za ta bullo da sabbin hanyoyin tallafa wa dalibai masu karamin karfi.

“Daga cikin abubuwan da gwamnatin ta tsara na tabbatar da ganin kowane dalibi ya kammala karatunsa a kan lokaci, komai karamin karfin iyayensa, akwai daukar su aikin wucin gadi a makarantunsu, bayar da rance da kuma daukar nauyin wadanda suka cancanta a cikinsu,” a cewarsa.

Alaka ya ce dokar bai wa dalibai rance da Shugaba Tinubu ya sanya wa hannu za ta fara aiki gabanin shiga sabuwar shekarar karatu mai kamawa a watan Satumba.

Sai dai kuma bai ce uffan ba game da matakai ko shirye-shiryen da gwamnatin ta yi domin tabbatar da hakan.

Ya kuma nesanta Gwamnatin Tarayya da karin kudin rajista da sauransu da jami’o’inta suka yi, inda ya ce, har kwanan gobe ba a biyan kudin makaran a jami’o’in, don haka babu gaskiya a rahoton da wasu kafofin yada labarai suka wallafa cewa gwamnatin ta kara kudin makaranta a jami’o’inta.

Ya bayyana cewa, “Shugaba Tinubu zai ci gaba dayin tsayuwar daka domin cika alkawarinsa na ganin kowane dan Najeriya komai matsayinsa ko karfin iyayensa, ya samu ilimin gaba da sakandare.”

Dele Alaka ya sanar da hakan ne a ranar Laraba, bayan wata kafar yada labarai ta ruwaito cewa Jami’ar Legas, mallakin Gwamnatin Tarayya ta kara kudin karatu da ninki 10 daga N19,000 zuwa N190,250 ga daliban fannin likitanci, dangoginsu kuma zuwa N140,250.

Amma ya ce duk da cewa ba a biyan kudin makanta, makarantun “sukan karbi kudin rajista da na dakunan kwana, na dakunan gwaje-gwaje da sauransu, kuma ya danganta da kowace jami’a; amma wannan ba kudin makaranta ba ne.”

AMINIYA

Kungiyar kwallon kafa ta Kano Pillars ta sayi sabbin 'yan wasa uku gabanin kakar wasan kwallon kafa ta NPFL ta 2023/24

Daga Mubarak Ismai’il Abubakar Madungurum.

Shugaban riko na kungiyar Alhaji Babangida Umar Alias ​​Little ya bayyana haka a sakatariyar kungiyar da ke filin wasa na Sani Abacha kofar Mata.

Alhaji Babangida Little, wanda ya samu wakilcin shugaban kwamitin gudanarwa na kungiyar Injiniya Usman Mustapha Kofar Na’isa, ya ce sabbin kayayyakin sun hada da Ibrahim Mustapha Yuga, Abubakar Ibrahim Babawo dukkansu daga Plateau United of Jos da Abubakar Aliyu daga Wikki Tourists na Bauchi. Wanda aka ba kwangilar shekara tare da ƙarin zaɓi na watanni goma sha biyu

Daga cikin manyan baki da suka shaida taron sun hada da sakataren kwamatin fasaha Alhaji Muhammad Danjuma Gwarzo da mai baiwa kungiyar shawara kan fasaha Abdul Maikaba.

A jawabansu daban-daban ‘yan wasan sun godewa Allah da ya tabbatar da wannan buri tare da yin alkawarin yin bakin kokarinsu wajen ganin kungiyar ta cimma matsaya a kakar wasan kwallon kafa mai zuwa.

Sun kuma yabawa Magoya bayan kungiyar bisa goyon bayan da suke bayarwa ba tare da gajiyawa ba, sun kuma sha alwashin yin alfahari da su. Toshe duk wata matsala, ana sa ran za a fara sabuwar kakar wasan kwallon kafa nan da wata mai zuwa

Likitocin Najeriya Sun Fara Gudanar Da Yajin Aikin Gama-Gari

Likitoci Masu Neman Kwarewa a fadin Najeriya sun fara yajin aikin sai abin da hali ya yi daga safiyar nan ta Laraba.

Kungiyar likitocin (NARD) ta sanar da shiga yajin aikin ne jim kadan bayan zaman Majalisar Zartarwarta da ya gudana a Legas a ranar Talata.

Shugaban kungiyar, Dokta Orji Emeka Innocent, ya dora laifin shigarsu yajin aikin a kan jan kafar Gwamnatin Tarayya wajen biyan bukatunsu da suka jima da gabatar mata.

Dokta Orji ya ce sai da kungiyar ta kara wa’adin da suka ba gwamnati da mako biyu domin ta biya bukatun nasu, amma duk da haka, sai da ta kai ga sun yi yajin aikin gargadi na kwana biyar daga ranar 17 zuwa 21 ga watan Yuli da muke ciki, kuma har yanzu gwamnatin ta ki yin abin da ya kamata.

Ya kara da cewa kafin a kai ga haka, sai da aka shafe sama da mako bakwai ba tare da gwamnati ta aiwatar da yarjejeniyoyin da bangarorin suka kulla a zaman sulhun da ministan kwadago ya jagoranta ba, duk kuwa da cewa an sanya wa’adin aiwatar da su 

Bukatun likitocin sun hada gaggauta biyan alawus dinsu na samun horo na shekarar 2023, yi musu karin albashi da kuma daukar sabbin likitoci daidai da adadin wadanda suka ajiye aiki domin cike gibin da aka samu.

Sauran sun hada da soke rage darajar takardar shaidar zama likita, biyan bashin alawus-alawus dinsu ma baya, biyan likitocin da aka tsallake cikon albashin da aka yi musu kari a baya, da kuma biyan likitocin da ke aiki a matakin jihohi bisa tsarin albashi na COMESS da dai sauransu.

AMINIYA

Kungiyar Kwadago Ta Kasa Za Ta Fara Gudanar Da Yajin Aiki

Kungiyar Kwadago ta Najeriya NLC, ta baiwa gwamnatin tarayya wa’adin kwanaki bakwai da ta sauya duk wasu manufofin da ake ganin na yaki da talakawa, ciki har da karin farashin man fetur da aka yi a baya-bayan nan, ko kuma ta fuskanci yajin aikin gama gari daga ranar 2 ga watan Agusta.

Kungiyar kwadago ta NLC ta umurci dukkanin kungiyoyin ta da kuma majalisun jihohi da su gaggauta fara shirin daukar ma’aikata da sauran ‘yan Najeriya da suka hada da kungiyoyin farar hula don gudanar da yajin aikin da za a dade da gudanar da zanga-zanga idan har gwamnati ta gaza biyan bukatunta.

Jaridar Nigerian Tracker ta rawaito cewa wannan na daya daga cikin shawarar da aka cimma a taron kwamitin tsakiya na NLC, CWC, wanda aka gudanar a ranar Talata, 25 ga watan Yuli, a gidan ma’aikata na Abuja.

Cikakken labarin zai zo muku nan gaba 

Gwamnatin Kano Ta Bada Tallafin Riyal 30,000 Ga Alhazai 50 Da Suka Rasa Kudin guzirinsu

Gwamnatin jihar Kano ta bayar da tallafin Riyal 30,000 na kasar Saudiyya ga Alhazanta 50 da suka yi asarar Kudin guzurinsu a kasar Saudiyya.

A sanarwar da mai rikon mukamin shugaban tawagar yan jaridu dake kawo rahoton Aikin hajjin bana, Nasiru Yusuf Ibrahim, ya ce Darakta Janar na Hukumar Jin Dadin Alhazai ta jiha, Alhaji Laminu Rabiu Danbappa ne ya sanar da hakan a ranar Talata a wata ganawa da manema labarai a birnin Makkah.

Alhaji Laminu Rabi’u Danbappa ya bayyana cewa, bisa ga girmansa ya bayar da amincewar fitar da kudaden a cikin kasafin kudin da hukumar ta yi da nufin tallafa wa wadanda abin ya shafa amma ba don a biya su diyya ba da fatan abin da ya faru zai zama kaffara.

Ya kara da cewa wadanda suka ci gajiyar tallafin sun karbi rabin kudaden daga Riyal na Saudiyya 750 zuwa Dalar Amurka 500.

A cewarsa babbar wadda ta ci gajiyar tallafin ita ce wata mace daga karamar hukumar Gwale wadda ta yi asarar dalar Amurka 1,000 sannan ta karbi dalar Amurka 500.

Da yake zantawa da manema labarai daya daga cikin wadanda suka ci gajiyar Yunusa Ibrahim daga karamar hukumar Rimingado, wanda ya rasa jakarsa ta kugu da dala 500 da kudin gida N100,000 a hanyarsa ta fita daga harami bayan da aka yi masa dawafi, ya ce an ba shi Riyal 750 na Saudiyya ne bisa ga jin dadin Gwamnan.

Ana sa ran kammala jigilar Alhazan Kano a ranar Lahadi

Da yake karin haske dangane da batun jigilar mahajjatan da zasu dawo gida, Darakta Janar na kayyakin, ya ce kawo yanzu an yi jigilar sama da mutane 3,000 a cikin jirage shida, ya kara da cewa rukunin na bakwai da na takwas za su tashi ne nan da tsakiyar makon nan.

Ya ci gaba da cewa, hukumar alhazai ta Najeriya ta ba su tabbacin kaucewa duk wata matsala don dawo da alhazan , kafin ranar Lahadi 31 ga wannan wata.

Labari da dumiduminsa : Ahmed Musa ya rage farashin man fetur a Kano

Shahararren dan wasan kwallon kafa na Najeriya, Ahmed Musa ya sanar da rage farashin farashin Motoci na Premium Motor Spirit (PMS) a gidan man shi , MYCA7 a Kano daga N620 zuwa N580 kowace lita.

Daily News 24 ta ruwaito cewa kwararren dan kwallon ya bayyana hakan ne a shafin sa na twitter da aka tabbatar.

Ta hanyar Twitter, Musa ya ce, "Fuel ⛽️ #580 @MYCA -7 Filling Station Kano 🏃‍♀️🏃‍♀️," wanda ya haifar da farin ciki a tsakanin 'yan Najeriya.

Wani mai amfani da Twitter, Scala @lakaas123, cikin zumudi ya tambaya Yaya Alhaji? N580 a Kano ba a Legas ba? Kana yi mana arashi ne?" Musa ya ce, "Ni ne na yanke shawarar sayar da nawa haka."

Wannan dai na zuwa ne kwanaki kadan bayan da Kamfanin Mai na Najeriya (NNPCL) ya sanar da karin farashin man fetur zuwa Naira 617 kan kowace lita.

Jaridar Daily News 24 ta tattaro cewa dan wasan ya rage farashin man fetur don bayar da tallafi ga masu abin hawa a jihar.

Masu ababen hawa sun yaba da wannan tunanin nasa, kamar yadda Usman Muhammad ya bayyana bayan siyan mai, “Abin farin ciki ne; Yanzu zan iya ajiye wasu kuɗi maimakon in saya a farashi mai yawa."

Ahmed Musa kwararren dan kwallon Najeriya ne wanda ke taka leda a matsayin dan wasan gaba da hagu zuwa kulob din Sivasspor na Süper Lig na Turkiyya da kuma kungiyar kwallon kafa ta Najeriya.

Za A Kashe N61m Wajen Binne Mutum 103 Da Aka Kashe A Zanga-Zangar #EndSARS A Legas

 Ana ci gaba da ce-ce-ku-ce bayan Gwamnatin Jihar Legas ta amince ta kashe Naira miliyan 61.2 domin binne mutum 103 da aka kashe yayin zanga-zangar #EndSARS a Jihar shekara uku da suka wuce.

A baya dai, gwamnatin Jihar da ma sojoji sun sha karyata rahoton kwamitin jin bahasin da aka kafa kan zanga-zangar, wanda ya ce jami’an tsaro sun bude wuta a kan masu zanga-zangar a Lekki Toll Gate ranar 20 ga watan Oktoban 2020.

An dai gudanar da zanga-zangar ce karshen shekara ta 2020, inda wadanda suka yi ta suka nemi a rushe sashen nan na Rundunar ’Yan Sanda mai yaki da ’yan fashi (SARS), saboda kaurin sunan da ya yi  wajen zargin take hakkin dan Adam.

Zanga-zangar dai, wacce a lokacin aka shafe tsawon makonni ana yin ta, da farko ta lumana ce, amma daga bisani ta rikide ta koma ta fasawa tare da sace kayayyaki a rumbunan gwamnati da na jama’a, kona ofisoshin ’yan sanda da kuma lalata dukiyoyi masu yawa.

To sai dai a wata wasika da idon Aminiya ya gani dauke da kwanan watan 19 ga watan Yulin 2023 ta Sashen Fitar da Kudade na gwamnatin Legas mai taken, “Jana’izar mutum 103 da suka mutu yayin zanga-zangar #EndSARS a 2020,” gwamnatin ta ce za ta yi aiki da wani kamfani mai suna Messrs Tos Funeral Ltd, inda za ta kashe Naira 61,285,000, wajen binne mutum 103.

Wasikar dai ta jawo ce-ce-ku-ce matuka, inda wasu masu fafutuka suke cewa hakan tamkar amincewa ne daga gwamnatin kan kisan mutanen, wanda a baya ta sha karyata cewa an kashe su.

To sai dai a wata sanarwa da Babban Sakataren Ma’aikatar Lafiya ta Jihar Legas, Dokta Olusegun Ogboye, ya fitar da daren Lahadi, ya yi ikirarin cewa babu ko daya daga cikin gawarwaki 103 da aka kashe a Lekki Toll Gate.

Ya ce, “An tsinto su ne a unguwanni daban-daban sakamakon fada da aka yi a yankunan Fagba, Ketu, Ikorodu, Orile, Ajegunle, Abule-Egba, Ikeja, Ojota, Ekoro, Ogba, Isolo da Ajah na Jihar Legas.

“Kazalika, an fasa kurkukun Ikoyi. Mutum 103 da ake magana daga nan wuraren aka samo su, ba daga Lekki ba, sabanin yadda ake zargi,” in ji shi

Babban Sakataren ya kuma ce za a yi jana’izar ce saboda an shafe shekara uku da faruwar lamarin, kuma gwamnatin ta ba da sanarwa ga dukkan iyalan wadanda suka rasa danginsu da su zo su duba gawarwakinsu, amma babu wanda ya je.

AMINIYA

Jan Hankali Kan Shirin Aikin Hajin 2024 Ga Jami'an Dake Shirya Gudanar Da Shi - Ibrahim Muhammad

Daga Ibrahim Muhammad

Shugaban (Independent Hajj Reporters) 

Misfala, Makkah Saudi Arabia

+966547818968

 

 "Kyakkyawan shiri, wanda aka yi da da kyau yanzu ya fi kyakkyawan shiri gobe."

Ba a sani ba

 

A kwanakin baya ne ‘yan jaridu masu zaman kansu suka fitar da sanarwar da ta bukaci hukumar NAHCON da hukumar alhazai ta jiha da su gaggauta fara aikin rijistar maniyyatan da ke son shiga aikin hajjin 2024. Sanarwar ta danganta kiran da Ministan Hajji da Umrah na Saudiyya ya yi tun da wuri na kalandar Hajji ta 2024 - inda ta yi bayani dalla-dalla game da ranar da aka ware don gudanar da duk wani babban taron shirye-shiryen da ke gabanin kwanakin Hajjin 2024.

 

A nasu jawabin, wasu masu ruwa da tsaki a aikin hajjin sun yabawa hukumar ta IHR bisa wannan tunatarwa kan halin da ake ciki na ‘mawuyaci’ da Hukumar Jin Dadin Alhazai ta NAHCON da Jihohi za su iya samu a shekarar 2024 idan har suka kasa fara shirye-shiryen aikin hajjin 2024.

 

Bayan haka, Pakistan, Kuwait, da Indonesiya sun shiga shirye-shiryen aikin hajjin 2024 bisa ga fara fitar da kalandar aikin hajji. Al’amarin Najeriya ya fi hadari saboda tsarin ‘cash and go’ na shekara da muke gudanar da shi. A Najeriya ne kawai maniyyata za su biya kudin rajistar aikin Hajji bayan an fara jigilar jirage. Ya kamata mu lura cewa aikin hajjin 2024 zai yi matukar wahala musamman idan Najeriya ta kiyaye kasonta na hajji 95,000.

 

Tsarin siyasa/mulki a Najeriya ya hana aiwatar da shirye-shiryen aikin hajji cikin sauki – hade da gazawa da galibin masu gudanar da aikin hajjin ‘fitila-da-kuskure’ a siyasance. Kira na shirye-shiryen farko ya zama mafi dacewa don guje wa lalacewar ayyuka da yawa a aikin hajjin 2024. Ayyukan da suka dace sun rage kurakurai kuma sun ba da damar yin bita mai kyau.

 

 

Misali, idan NAHCON ta umurci Hukumar Jin Dadin Alhazai ta Jihohi da ta fara rajistar maniyyata a yau, za a dauki akalla kwanaki 30 kafin jihohi su yi aiki domin sai sun nemi amincewar gwamnonin su kafin su fara rajistar. Cire kwanaki 30 daga Ma'aikatar Hajji ta Saudiyya 2024 na kalandar abubuwan da suka faru kuma ga kalubalen lokaci.

 

 

Wani abin ban sha'awa shi ne, Saudiyya ta fara aiwatar da shirin, inda kwamitin da ke kula da masaukin alhazai a birnin Madina ya fara rajistar izinin shiga gidajen da za a yi amfani da su wajen daukar mahajjata a shekarar 2024.

 

Abu mafi mahimmanci shi ne, Ministan Hajji ya bayyana a fili cewa “ Kasar da ta kulla kwangiloli da wuri, za a ba da fifiko wajen daukar wuraren da suka dace a wurare masu tsarki.

 

Akwai bukatar a tantance ma’aikatar aikin Hajji ta Saudiyya cikin gaggawar kalandar abubuwan da suka faru, a dai-daita shi da hakikanin lokuta da fitar da wani tsari. Ainihin, Nasara ya dogara ne akan shirye-shiryen da suka gabata, kuma ba tare da irin wannan shiri ba, tabbas za a sami gazawar isar da sabis a shekara mai zuwa.

 

Abin da ya fi muhimmanci shi ne, ‘ayyukan talakawa’ da kusan dukkan kasashen da ke halartar aikin hajjin bana suka samu a aikin hajjin bana, a farko dai ya samo asali ne sakamakon kalubalen da ake fuskanta na ‘shirya da aiwatar da manufofin aikin hajji da ke zuwa ba tare da wani lokaci ba na ‘gwajin gudanar da’ litattafan aiki kafin a fara jigilar jiragen sama.

 

Kwanan da ke da mahimmanci

 

Satumba 16 (kimanin cikin kwanaki 60)

 

A ranar 16 ga Satumba, 2023 ne ake sa ran gudanar da taron share fage tare da kasashen da suka halarci aikin hajjin 2024, sannan kuma, za a bude hanyar lantarki don shigar da bayanai, da kuma fitar da jerin sunayen kamfanoni masu lasisi da za su yi hidimar alhazai.

 

Mafi mahimmanci, Babban Hukumar Kula da Sufurin Jiragen Sama (GACA) za ta bude hanyar biyan kuɗi ta internet don kamfanonin jiragen sama.

 

Hukumar NAHCON tana da kasa da kwanaki 60 don shirya wannan taro mai matukar muhimmanci. Shin NAHCON za ta iya kawo karshen jigilar jirage nan da kwanaki 15, ta dawo gida ta kira taron masu ruwa da tsaki domin shirya wa wannan muhimmin taro?

 

Shin NAHCON za ta iya kulla yarjejeniya kafin aikin Hajji da mai jigilar jigilar Hajji na 2024 a cikin kwanaki 60? Shin kamfanonin jiragen sama na gida za su iya saduwa da sabon jadawalin lokutan? An kunna tseren.

 

Nuwamba 4 2023 (a cikin watanni 4)

 

“A wannan rana, za a kammala tarukan share fage kuma za a ba da kayayyakin hidima a ranar 20 ga Rabi Al-Thani, 1445AH, daidai da 4 ga Nuwamba, 2023. Bayan haka kuma za a fara aikin Hajji da Umrah.

 

Fabrairu 25, 2024 (a cikin watanni 7)

 

Ministan ya ce za a kammala aikin rabon masaukin mahajjata a Makkah da Madina da Wurare masu tsarki a ranar 15 ga Shaban 1445AH, daidai da 25 ga Fabrairu, 2024. Nan da watanni 8 nan da watanni 8, Hukumar Jin Dadin Alhazai ta NAHCON da Jihohi ta kammala dukkan kwangilolin masauki2024. Dogon tsari.

 

1 ga Maris zuwa Afrilu 29, 2024 (a cikin watanni 8)

 

Sanarwar cewa za a fara aikin bizar ne a ranar 1 ga Maris kuma za a rufe ranar 29 ga Afrilu, 2024, ya kamata ta haifar da firgici a cikin NAHCON. Gudanar da biza a kan lokaci ya kasance babban ƙalubale da ya kai ga bacewar wasu mahajjata a aikin hajjin 2022. Yanzu,

 

Hukumar NAHCON tana da kasa da watanni 8 don tattara duk wasu kudade daga maniyyata 2024 da suka yi rajista, ta tura su Saudiyya da fara bayar da biza.

 

Kashi na farko na mahajjatan shekarar 2024 zasu isa kasar Saudiyya a ranar 9 ga watan Mayu daidai da 1 ga watan Dhul Qada na shekarar 1445AH.

 

Shin masu ruwa da tsaki a aikin Hajji a Najeriya sun shirya tsaf domin gudanar da aikin Hajjin cikin sauri?

 

Lokaci wani abu ne.