Jam’ar Gari Sun Wawushe Kayan Abincin Da Gwamnati Ta Killace

By Nura Ahmad

 


Jama’ar gari sun wawushe kayan abinci da gwamnati ta killace a wanin rumbun ajiyarta tun a shekarar 2022 da nufin za ta raba domin rage radadin ibtila’in ambaliyar ruwa. 

Mutanen sun yi kukan kura ne suka fasa rumbun ajiyar hatsi da sauran kayan abincin Gwamnatin Jihar Bayelsa, suka kwashen kayan abincin da suka samu a ciki.

Sai dai Hukumar Agajin Gaggawa ta jihar (SEMA) ta sanar cewa kayayyakin abincin da aka kwashe sun riga sun lalace, kuma duk wanda ya ci zai samu matsala.

Babban daraktan hukumar, Walamam Sam Igrubia, ya ce a shirinsu na tunkarar ambaliyar ruwa a bana, shugaban hukumar ya ziyarci wurin, inda ya iske kayan abincin da suka rage, musamman shinkafa da garin rogo ba za su ciwu ba.

Wannan dai shi ne karo na biyu, bayan an Jihar Adamawa inda jama’a ke fasawa su kwashe yakan abinci daga rumbunan ajiyar kayan abinci, sakamakon tsananin tsadar kayan masarufi da ’yan Najeriya ke fama da shi.

Tun bayan cire tallafin man fetur a kasar farashinsa ke ta ninkuwa, wanda hakan ya haifar da tashin gwauron zabon kayayyaki

(AMINIYA)

Popular posts from this blog

Yanzu - Yanzu: Bankuna Zasu Karbi Tsofaffin Kudi Ko da Bayan Karewar Wa'adi - Emefiele

By Nura Ahmad
Image
Gwamnan Babban Bankin Najeriya, Godwin Emefiele, ya ce Bankuna za su ci gaba da karbar tsoffin takardun kudi na Naira ko da bayan wa’adin musaya da sabbin takardun kudin da aka zayyana. Idan dai za a iya tunawa, a kwanakin baya ne babban bankin ya kara wa’adin canza shekar kudi naira 1,000 da naira 500 da kuma N200, biyo bayan korafin ‘yan Najeriya. Sai dai a yayin da shugaban na CBN ya bayyana a gaban kwamitin majalisar wakilai kan sabon tsarin sauya fasalin Naira da kuma canjin naira a ranar Talata, shugaban na CBN ya ce har yanzu bankuna za su karbi tsoffin takardun bayan wa’adin. Emefiele ya ce idan aka yi la’akari da sashe na 20, karamin sashe na 3 na dokar CBN ta shekarar 2007, ko da tsofaffin kudaden sun rasa matsayinsu na neman kudi, CBN za ta ci gaba da karbar tsofaffin takardun kudi. Mista Emefiele ya ce dole ne bankunan kasuwanci su karbi kudin ko da bayan wa'adin 10 ga watan Fabrairu (SOLACEBASE) 
Read more

Zababben Gwamnan Kano Ya Kafa Kwamitin Karbar Mulki

By Nura Ahmad
Image
Zababben Gwamnan Jihar Kano Ya Sanar Da Kwamitin Karbar Mulki …… Dr. Baffa Bichi, Abdullahi Musa ya nada a matsayin Shugaba da Sakatare Bayan gabatar da takardar shaidar cin zabe da hukumar zabe mai zaman kanta ta kasa INEC ta gabatar, zababben gwamnan jihar Kano Engr. Abba Kabir Yusuf (Abba Gida Gida) ya kaddamar da kwamitin sa na mika mulki a shekarar 2023. A wata sanarwa da Sanusi Bature Dawakin Tofa, babban sakataren yada labarai na zababben gwamnan ya fitar, tsohon babban sakataren hukumar kula da manyan makarantu (TETFUND)  dan takarar Sanatan Kano ta Arewa a NNPP Dr. Abdullahi Baffa Bichi ya bayyana a matsayin shugaba na kwamitin mika mulki na Gwamna (GTC), yayin da babban sakataren dindindin, Abdullahi Musa mai ritaya a matsayin sakatare. Kwamitin rikon kwarya zai gudanar da ayyukan mika mulki cikin tsari daga gwamnatin Ganduje mai barin gado zuwa gwamnatin Abba Gida Gida mai jiran gado. Mai girma Gwamnan Jihar Kano mai jiran gado zai kaddamar da kwamitin a ranar Asabar 1 ga Af
Read more