AHMSP Tayi Martani Ga Rahoton Da Ba A Tabbatar Ba Kan Shugaban NAHCON, Ta Bukaci Jaridu Su Daina Wallafa Labaran Karya

By Nura Ahmad
Kungiyar Ƙwararrun ‘Yan Jarida Masu Tallafawa Aikin Haji (AHMSP) ta yi watsi da rahoton da wata kafar labarai, News Point Nigeria, ta wallafa a ranar 14 ga Oktoba, 2025, karkashin jagorancin edita Mista Farouq Abbas, wanda ya shafi ofishin Shugaban Hukumar Kula da Haji ta Kasa (NAHCON), Farfesa Abdullahi Saleh Usman.

AHMSP ta bayyana cewa rahoton cike yake da bayanan da ba a tabbatar da su ba, tare da nuna son zuciya da rashin bin ka’idojin aikin jarida, wanda hakan ke iya gurbata sahihancin aikin labarai musamman a fagen da ya shafi Hajj da Umrah.

A cewar kungiyar, Farfesa Abdullahi Saleh Usman yana gudanar da ayyukansa cikin gaskiya, doka, da tsari, ba tare da wani laifi ko take haddi ba. Dukkan ayyukan hukumar daga rabon ma’aikata, gyaran farashin Hajj, har zuwa gudanar da ayyuka suna tafiya ne bisa tsarin NAHCON da doka ta tanada.

Kungiyar ta bayyana cewa “ikrarorin rashin gaskiya” da rahoton ya bayar ba su da hujjar da za ta tabbatar da su. Haka kuma, ta ce bai dace kafar labarai ta rika yada bayanan da ba a tabbatar da su ba daga shafukan sada zumunta domin son kai ko siyasa.

AHMSP ta jaddada cewa shugaban NAHCON bai taba bayar da umarni ko goyon bayan wata magana da za ta kai hari ga jami’an gwamnati ko wata hukuma ba. 

“Rahotannin da ke nuni da hakan su ne karairayi tsantsa,” in ji kungiyar.

Ta kuma tabbatar cewa duk wani bincike daga hukumomin tsaro ko yaki da cin hanci ke yi, Farfesa Pakistan na bayar da hadin kai dari bisa dari, kuma har yanzu babu wata tuhuma da aka tabbatar a kansa.

A karshe, AHMSP ta yi kira ga ‘yan jarida da kafafen yada labarai da su koma ga abin da aka tabbatar kafin wallafa labarai, tare da gujewa rahotanni marasa tushe da ke iya lalata martabar shugabanni da hukumomin gwamnati.

Kungiyar ta nanata goyon bayanta ga aikin jarida mai gaskiya, daidaito, da bin ka’ida tana mai cewa: “Lokaci ne da jaridu su dawo kan turbar gaskiya, ba turbar son rai ba.”

Popular posts from this blog

Yanzu - Yanzu: Bankuna Zasu Karbi Tsofaffin Kudi Ko da Bayan Karewar Wa'adi - Emefiele

By Nura Ahmad
Image
Gwamnan Babban Bankin Najeriya, Godwin Emefiele, ya ce Bankuna za su ci gaba da karbar tsoffin takardun kudi na Naira ko da bayan wa’adin musaya da sabbin takardun kudin da aka zayyana. Idan dai za a iya tunawa, a kwanakin baya ne babban bankin ya kara wa’adin canza shekar kudi naira 1,000 da naira 500 da kuma N200, biyo bayan korafin ‘yan Najeriya. Sai dai a yayin da shugaban na CBN ya bayyana a gaban kwamitin majalisar wakilai kan sabon tsarin sauya fasalin Naira da kuma canjin naira a ranar Talata, shugaban na CBN ya ce har yanzu bankuna za su karbi tsoffin takardun bayan wa’adin. Emefiele ya ce idan aka yi la’akari da sashe na 20, karamin sashe na 3 na dokar CBN ta shekarar 2007, ko da tsofaffin kudaden sun rasa matsayinsu na neman kudi, CBN za ta ci gaba da karbar tsofaffin takardun kudi. Mista Emefiele ya ce dole ne bankunan kasuwanci su karbi kudin ko da bayan wa'adin 10 ga watan Fabrairu (SOLACEBASE) 
Read more

Zababben Gwamnan Kano Ya Kafa Kwamitin Karbar Mulki

By Nura Ahmad
Image
Zababben Gwamnan Jihar Kano Ya Sanar Da Kwamitin Karbar Mulki …… Dr. Baffa Bichi, Abdullahi Musa ya nada a matsayin Shugaba da Sakatare Bayan gabatar da takardar shaidar cin zabe da hukumar zabe mai zaman kanta ta kasa INEC ta gabatar, zababben gwamnan jihar Kano Engr. Abba Kabir Yusuf (Abba Gida Gida) ya kaddamar da kwamitin sa na mika mulki a shekarar 2023. A wata sanarwa da Sanusi Bature Dawakin Tofa, babban sakataren yada labarai na zababben gwamnan ya fitar, tsohon babban sakataren hukumar kula da manyan makarantu (TETFUND)  dan takarar Sanatan Kano ta Arewa a NNPP Dr. Abdullahi Baffa Bichi ya bayyana a matsayin shugaba na kwamitin mika mulki na Gwamna (GTC), yayin da babban sakataren dindindin, Abdullahi Musa mai ritaya a matsayin sakatare. Kwamitin rikon kwarya zai gudanar da ayyukan mika mulki cikin tsari daga gwamnatin Ganduje mai barin gado zuwa gwamnatin Abba Gida Gida mai jiran gado. Mai girma Gwamnan Jihar Kano mai jiran gado zai kaddamar da kwamitin a ranar Asabar 1 g...
Read more